دەزگای ئاسایشی هەرێم ئاشکرای دەکەن هێزەكانیان لە دوو چالاكی جیادا دەستیان گرتووە بەسەر ٢٠ كیلۆگرام ماددەی هۆشبەرداو، لە یەکێکیاندا لەناو شاری سلێمانی روبەڕوبونەوە لەنێوان هێزەكانیان و دو بازرگانی ماددەی هۆشبەردا رویداوە.
شەوی ١٦ ی نیسان دەزگای ئاسایشی هەرێم، لە راگەیەندراوێكدا دەڵێن" بەڕێوەبەرایەتی گشتی نەهێشتی ماددەهۆشبەرەکان بەهەماهەنگی بەڕێوەبەرایەتی گشتی ئۆپراسیۆنەکانی ئاسایش، ڕۆژی ٢٠٢٥/٤/١٣ لەناوچەیەکی سنوری هەورامان، توانیان دەستبگرن بەسەر بڕی (١٠) کیلۆگرام ماددەی هۆشبەر لەجۆری کریستاڵ".
لە راگەیاندنەکەشدا هاتووە " بەڕێوەبەرایەتی گشتی نەهێشتنی ماددە هۆشبەرەکان لە ڕۆژی ١٤ ی نیسان لەڕوبەڕوبونەوەیەکدا لەشەقامی بازنەی مەلیک مەحمود، توانیان دوو بازرگانی ماددەی هۆشبەر دەستگیربکەن و دەستبگرن بەسەر بڕی (١٠) کیلۆگرام ماددەی هۆشبەر لەجۆری حەشیش".
" لەئێستادا تۆمەتباران بەبڕیاری دادوەر بەماددەی (٢٥) لەیاسای بەرەنگاربونەوەی ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسیەکانیان بەردەوامە".( ئاسایشی هەرێم وا دەڵێت ).
بۆ بینینی ساتی دەستگیرکردنی بازرگانەکان ئەم لینکە بکەرەوە..