سوپای تورکیا سێ ڕۆژە بۆردومان و هێرشەکانی لە سنوری پارێزگای دهۆک چڕ کردوەتەوە و تەنها لەم ڕۆدا ٢٧ جار بناری چیای گارەی بۆردومان کردوە.
کامەران عوسمان بەرپری بەشی مافی مرۆڤ لە رێکخراوی سی پی تی ئەمریکی ڕایگەیاند، لە کاتژمێر ٢:١٥ خولەک تاوەکو ٣:٤٥خولەکی دوانیوەڕۆی ئەمڕۆ هەینی، تۆپخانەکانی سوپای تورکیا ٢٧ جار گوندەکانی "سپیندارێ، گرگاشی، مژێ و کەفنە مژێ یان لە بەری چیای گارە لە قەزای ئامێدی تۆپباران کردوە.
ئاماژەی بەوەشکردوە تۆپبارانەکانی سوپای تورکیا لە کاتێکدابون کە بەشێک لە هاوونیشتیمانییان بۆ گەشت و سەیران ڕوویان لە ناوچەکە کردبو
ئەوەیشی خستوەتەڕو سێ ڕۆژە هێرش و بۆردوومانەکانی سوپای تورکیا بۆسەر چیای گارە و گوندەکانی دەووروبەری چڕبوونەتەوە بەڵام هیچ هاووڵاتییەکی مەدەنی نەبوونەتە قوربانی.