بزوتنەوەی گۆڕان باڵی دانای ئەحمەد مەجید ڕایگەیاند" پاڵپشت بە فەرمان و ڕێنماییەکانی کۆمسیۆن سبەی شەممە کۆنفڕانس سەرپەرشتی كۆمیسیۆن و فەرمانگەی پارت و ڕێکخراوە سیاسیەکان دەبستین".
لە ڕاگەیەنراوێکدا بزوتنەوەی گۆڕان باڵی دانای ئەحمەد مەجید بڵاویکردەوە" پاش هەوڵ و تەقەلایەکی زۆر و کردنەوەی گرێ یاساییەکان، پاڵپشت بە فەرمان و ڕێنماییەکانی کۆمسیۆنی باڵای سەربەخۆی هەڵبژاردنەکانی عێراق، بڕیار درا؛ سبەی رۆژی شەممە لە کاتژمێر ١٠ی سەرلەبەیانی لە (هۆڵی ئاشتی) لە شاری سلێمانی کۆنفڕانسدەبەستن".
بزوتنەوەی گۆران ڕایگەیاندوە" کۆنفڕانسەکە بە سەرپەرشتی كۆمیسیۆنی باڵای سەربەخۆی هەڵبژاردنەكان و فەرمانگەی پارت و ڕێکخراوە سیاسیەکان دەبێت، هاوکات نوێنەری وەزارەتی ناوخۆی حکومەتی هەرێمی کوردستان و سەرۆکایەتی دادگای تێهەڵچونەوەی ناوچەی سلێمانی ئامادە دەبن".
لە بەشیکی دیکەی ڕاگەنەدراوەکەدا بزوتنەوەی گۆڕان داوا دەکات لە هەموو ئەو هەڵسوڕاوانەی مافی بەشداری و ناویان لە لیستی دەستەی گشتی بزوتنەوەی گۆڕاندا هەیە، دەست لەناو دەست و قوەت لە خوای گەورە ناکۆکییەکان وەلا بنێن و لەپێناو سەرپێخستنەوەی بزوتنەوەکەمان، هۆڵی ئاشتی بکەنە وێستگەی گۆڕانکاری و نوێبونەوە.
داواشی لە گۆڕانخوازان کردوە، بە حەماسەوە ئەو مافە مەدەنییە سیاسییەیان پیادە بکەن و بەشداری کۆنفرانسەکە بکەن.