سبەینێ دووشەممە هەردوو وەفدی پارتی و یەکێتی لە شاری سلێمانی لەسەر پرسی پێکهێنانی کابینەی نوێی حكومەت كۆدەبنەوە.
ڕێواس فایەق، ئەندامی سەرکردایەتی یەکێتی، ئەمشەو یەکشەممە لە لێدوانێکی ڕۆژنامەوانیدا ڕایگەیاند" سبەینێ شاندێکی باڵای پارتی سەردانی سلێمانی دەکەن و لەگەڵ یەکێتی کۆدەبنەوە".
ئاماژەی بەوەشکرد، كۆبوونەوەكە کاتژمێر ١٢ی نیوەڕۆ بەڕێوەدەچێت و دیدارەکەش هاوشێوەی ماوەکانی رابردوو پەیوەست دەبێت بە پێکهێنانی کابینەی نوێی حکومەتی هەرێم.
ڕۆژی ٢٠ی تشرینی یەکەمی ساڵی ڕابردوو پرۆسەی هەڵبژاردنى خولى شەشەمى پەرلەمانى کوردستان بەڕێوەچوو کە پارتى ٣٩ کورسی و یەکێتى ٢٣ کورسی بەدەستهێنا، بەڵام تائێستا لەسەر پێکهێنانی کابینەی نوێی حکومەت نەگەیشتوونەتە رێککەوتن.