سەرچاوەیەکی ئاگادار ڕایدەگەیەنێت" لە سەرەتای هەفتەی داهاتوودا وەزارەتی دارایی عێراق مووچەی خانەنشینان خەرجدەکات".
ئەو سەرچاوەیە ئەمڕۆ چوارشەممە لە لێدوانێکدا بە میدیاکانی عێراقی ڕاگەیاندووە" ڕۆژی یەکشەممەی داهاتوو مووچەی خانەنشینکراوان و کارمەندانی سەربازی بۆ مانگی ئایار دابەشدەکرێت".
ئاماژەی بەوەشکرد، دواکەوتنی مووچە بەهۆی پشووی ڕۆژی ١ی ئایار و پشووەکانی دیکەی ڕۆژانی هەینی و شەممەوەیە.
جێگای سەرنجە وەزارەتی دارایی عێراق لە سەرەتایی هەموو مانگێکدا مووچەی خانەنشینان دابەشدەکات.
ئەمەش لە کاتێدایە، تائێستا فەرمانبەران و مووچەخۆرانی هەرێم مووچەی مانگی نیسانی ئەمساڵیان وەرنەگرتووە و هیچ وادەیەکیش بۆ دابەشکردنی نەزانراوە.