هەرچەندە ساڵی رابردوو چەند حاڵەتێکی تۆمارکردنی تای خوێنبەربوون لە هەرێمی کوردستان تۆمار کرابوو، بەس گیان لە دەستدان نەبوو، ئەمساڵیش حاڵەتێکی تووشبوونی نوێ لە کۆیە تۆمار کرا.
بەپێی زانیارییەکانی ماڵپەڕی " سپی " ئەو حاڵەتە خەڵکی کۆیەیە کە تووشی تای خوێنبەربووەو ئێستا لە نەخۆشخانەی هەولێرە.
تووشبووەکە پیاوەو پیشەکەی گۆشت فرۆشبووەو تەمەنی ٤٢ ساڵە.
لە بارەی دۆخی تەندروستییەوە، بەپێی زانیاریەکانی " سپی " حاڵەتی جێگیرە و لە نەخۆشخانەی هەولێر چارەسەر وەردەگرێت.
لەسەر ئاستی عێراق لەم چوار مانگەی ٢٠٢٥ دا ژمارەی تووشبوون و گیان لە دەستدان بەو نەخۆشیە بەرزبۆتەوە بۆ پێنج حاڵەت کۆچکردن و ٢٧ حاڵەتی تووشبوون.