وەزارەتی بازرگانی هەرێم ڕایدەگەیەنێت" ئەپڵیكەیشنی كۆبۆنی خۆراك لە ئێستادا تەنها بۆ هەڵەبجە كارا كراوە".
ئەمڕۆ شەممە وەزارەتی بازرگانی و پیشەسازی هەرێم، لە ڕاگەیەندراوێکدا ئاگاداری هاوڵاتییانی هەرێم دەکاتەوە و دەڵێت" لەئێستادا ئەپلیکەیشنی پڕکردنەوەی کۆبۆنی خۆراک تەنها بۆ پارێزگای هەڵەبجە کارایە و لە ئایندەیەکی نزیکدا پارێزگاکانی هەولێر و سلێمانی و دهۆکیش کارا دەکرێت و بڵاویدەکەنەوە".
ئاماژەی بەوەشکردووە، بۆ ئەو هاووڵاتییانەی کۆبوونیان نییە یان دەیانەوێ خانە جیابکەنەوە یاخود ناوی نوێ زیاد بکەن، لە قۆناغی داهاتوودا ئەو خزمەت گوزارییەش چالاک دەبێت.