ئەندامێکی خولی پێشووی ئەنجومەنی نوێنەرانی عێراق ڕایدەگەیەنێت" پێشبینیدەکرێت پێش جەژنی قوربان، مووچەی مانگی پێنج دابەشبکرێت".
شیروان میرزا ئەندامی خولی پێشووی پەرلەمانی عێراق، لە بڵاوکراوەیەکدا رایگەیاند" وەزارەتی دارایی عێراق مانگانە ناڕەزایی و گلەیی هەیە لەو بڕەپارەیەی حکومەتی هەرێم وەک داهاتی نانەوتی، دەیخاتە سەر هەژماری وەزارەتی دارایی عێراق".
ئاماژەی بەوەشکرد، پێشبینیدەکرێت پێش جەژن مووچەی مانگی پێنج ڕەوانەی هەرێم بکرێت و هەوڵدەدرێت هەموو رێکارەکان تەواوبکرێن.
هەروەها پێشتریش سەمیر هەورامی وتەبێژی قوباد تاڵەبانی ڕایگەیاند" دوای جێبەجێكردنی ڕێكارە كارگێڕییەکان لە وەزارەتی دارایی عێراق مووچە دەنێردێت و چاوەڕوانیش دەكرێت بەر لە جەژن موچە بنێردرێت".
بەیانی ڕۆژی یەکشەممە ٢٥ی ئایار وەزارەتی دارایی هەرێم لە ڕاگەیەندراوێکی فەرمیدا ئاماژەی بەوەکردبوو لیستی مووچەی مانگی پێنجیان رەوانەی وەزارەتی دارایی عێراق کردووە.