سەرۆک کۆماری تورکیا ڕایدەگەیەنێت" دوای بڕیارەکانی پەکەکە پرۆسەی تورکیای بێتیرۆر چووە قۆناغێکی نوێ و قۆناغێکی دیکەی هەستیارمان تێپەڕاند".
رەجەب تەیب ئەردۆغان سەرۆک کۆماری تورکیا، ئەمڕۆ لە ئەنقەرە وتارێکی پێشکەشکرد و ڕایگەیاند" دوای بڕیارەکانی پەکەکە پرۆسەی تورکیای بێ تیرۆر و تەواوی ٨٦ ملیۆن دانیشتووانی تورکیا سەردەکەون".
ئەردۆغان وتیشی" پشتیوانی خۆمان بۆ سەرخستنی پرۆسەکە دووپاتدەکەینەوە و لە رێگەی ئەو زمانەی بەکاریدەهێنن، بوێری بە پارتە سیاسییەکان دەدەین و متمانە لای کۆمەڵگە دروستدەکەین".
سەرۆک کۆماری تورکیا هیواشی خواست پرۆسەکە بە بێ کێشە بگاتە ئەنجام.
سەبارەت بە دەستووری نوێی تورکیا ئەردۆغان ئاماژەی بەوەکرد، ١٠ یاساناسی راسپاردووە و دەستوری نوێ بەڕێوەدەبەن.
دەشڵێت" دەستووری نوێ و مەدەنی ئەمجارە دەرفەتێکە بۆ پاککردنەوەی لە پاشماوەکانی کودەتاکە و فڕێدانی خاکە مردووەکەیەتی".