کەشناسی هەرێم ئاشکرای کرد ئەمڕۆ ئاسمان ساماڵ و پەڵە هەور دەبێت، خێرایی با زیاد دەکات و خۆڵبارین هەندێ ناوچە دەگرێتەوە، سبەینێ پلەکانی گەرما بەشێوەیەکی بەرچاو نزم دەبنەوە.
بە گوێرەی پێسبینییەکانی کەشناسی هەرێم ئەمڕۆ چوارشەممە، ئاسمان ساماڵ و پەڵە هەور دەبێت، لەگەڵ زیاد بوونی خێرای با و ئەگەری بەرزبوونەوەی تۆزوخۆڵ لە هەندێ ناوچەی تایبەت لەکاتەکانی ئێوارەدا.
ئەوەشی وتووە" پلەکانی گەرما نزیک دەبێتەوە بەراورد بە تۆمارەکانی دوێنی وەک لە وێنەکەدا ئاماژەی پێکراوە".
دەشڵێت" سبەینێ پێنجشەممە، ئاسمان ساماڵ و پەڵە هەور دەبێت، لەگەڵ ئەگەری بوونی تۆزێکی کەم لە کەشی ناوچەکەمان و نزمبوونەوەی پلەکانی گەرما بە چوار تا شەش پلەی سیلیزی".
هەولێر: ٣٣ پلەی سیلیزی
سلێمانی: ٣٢ پلەی سیلیزی
دهۆک: ٣٣ پلەی سیلیزی
کەرکوک: ٣٥ پلەی سیلیزی
زاخۆ: ٣٤ پلەی سیلیزی
هەڵەبجە: ٣٣ پلەی سیلیزی
سۆران: ٣١ پلەی سیلیزی
حاجی ئۆمەران: ٢٠ پلەی سیلیزی
گەرمیان:٣٦ پلەی سیلیزی