بەڕێوەبەرایەتی لێکۆڵینەوەی دەزگای ئاسایشی هەرێم بەهەماهەنگی بەڕێوەبەرایەتی ئاسایشی پارێزگای سلێمانی، باندێکی هەڵخەڵەتاندنیان دەستگیرکرد کە خەڵکیان فریوداوە بەفرۆشتنی گورچیلە.
دەزگای ئاسایشی هەرێم لە ڕاگەیەنراوێكدا ئاماژەی بەوەكردووە، لەسەر سکاڵای هاووڵاتیان و بەبڕیاری دادوەری لێکۆڵینەوەی ئاسایش، بەڕێوەبەرایەتی لێکۆڵینەوەی دەزگای ئاسایشی هەرێم، بەدواداچوونی ووردی ئەنجامدا، لەڕۆژانی ٧ی٨ی ٢٠٢٥/٥ توانرا لەشاری سلێمانی باندێکی ( ٤ )کەسی دەستگیربکەن کەبڕی ( ٣٢ ) ملیۆن دیناریان لە ( ٥ ) خێزان وەرگرتووە و فریویانداون بەوەی گورچیلە لەبەرامبەر بڕێک پارەدا دەفرۆشن.
ڕاشیگەیاندووە، لەئێستادا تۆمەتباران بەماددەی ( ٤٥٦ ) ڕاگیراون و لێکۆڵینەوە لەدۆسیەکانیان بەردەوامە.