لە ڕێگەیەکی سەرەکی کرماشان- هەمەدان دوو کەس لە ڕووداوێکی تەقەکردندا کوژران و شەش کەسی دیکەش بریندار بوون.
بەپێی هەواڵی میدیاکانی ئێران، لە شەقامی کرماشان بەرەو تویسیرکانی هەمەدان، دوو هاوڵاتی لە ئەنجامی ڕووداوێکی تەقەکردن کوژران و شەش کەسی دیکەش برینداربوون.
ئاماژە بەوەشدەکەن، باری تەندرووستی دوو کەس لە برینداران ناجێگیرە.
میدیاکانی ئێران باس لەوەشدەکەن، لە ئێستادا تەقەکەرەکە دەستگیرکراوە، بەڵام تا ئێستا هۆکاری سەرەکی رووداوەکە نەزانراوە و لێکۆڵینەوە لە رووداوەکە بەردەوامە.