پارتی هەموو لایەنەکانی بۆ سبەی شەممە بانگهێشتکردووە تا کۆبوونەوەیەکی باڵا لەسەر پرسی بڕینی مووچەی هەرێم لەلایەن بەغداوە، سازبکەن، ژمارەیە حیزب و قەوارە رەتیانکردۆتەوە بەشداربن، ژمارەیەک لایەنی دیش بەشدار دەبن.

ئەو کۆبوونەوەیەی بڕیارە سبەی شەممە لە بارەگای پارتی بکرێت، تا ئێستا بە پێی زانیارییەکانی ماڵپەڕی " سپی " مەسعود بارزانی سەرۆکی پارتی و هەردوو جێگرەکەشی، نێچیرڤان بارزانی و مەسرور بارزانی بەشداری ناکەن، بەرامبەر ئەوانیش یەکێتی لە ئاستی مەکتەبی سیاسیدا تا ئێستا بڕیاری بەشداریکردنی داوە، بەلآم هیچ کام لە بافڵ تاڵەبانی سەرۆکی یەکێتی و قوباد تاڵەبانی کەسی دوومەی یەکێتیش بەشداری کۆبوونەوە ناکەن. ( بەشدارینەکردنی مەسعود بارزانی و هەردوو جێگرەکەی دەگەڕێتەوە بۆ بەشدارینەکردن و بایکۆتۆکردنی زۆربەی لایەنەکانی تر، بەشدارینەکردنی بافڵ تاڵەبانی و قوباد تاڵەبانیش دەگەڕێتەوە بۆ بەشدارینەکردنی مەسعود بارزانی و هیچ کام لە جێگرەکانیان ).

ئەو لایەنانەی بەشدار دەبن، لە پاڵ یەکێتیدا بزووتنەوەی گٶڕان ( کوردسات )، حزبی شیوعی کوردستان، حزبی سۆسیال دیموکراتی کوردستان، بزووتنەوەی ئیسلامی، بەرەی تورکمانی و، چەند حیزبێکی بچووکی پێکهاتەکان و حزبەکانی تر کە نزیکن لە پارتی.

ئەو لایەنانەی بەشداری ناکەن؛ نەوەی نوێ، یەکگرتووی ئیسلامی، کۆمەڵی ئیسلامی، هەڵوێست، بەرەی گەل، گۆڕان ( گردی زەرگەتە ).

کۆبوونەوەکە کە بڕیارە لە هەولێر بەڕێوەبچێت پێشبینی دەکرێت لەلایەن مەکتەبی سیاسی پارتیەوە بەرێوە ببرێت.