کەشناسی هەرێم کەشی پێشبینیکراوی ٤٨ کاتژمێری داهاتووی بڵاوکردەوە و رایگەیاند"پلەکانی گەرما نزم دەبنەوە و خۆڵبارین دەستپێدەکاتەوە".
بە گوێرەی پێشبینییەکانی کەشناسی هەرێم ئەمڕۆ دوو شەممە کەشی ئاسمان ساماڵ و پەڵە هەور دەبێت , لە دوای نیوەرۆ و ئێوارە لە ئەنجامی زیادبوونی خێرای با ئەگەری بەرزبوونەوەی تۆز و خۆڵ هەیە کاریگەری ئەم تۆز و خۆڵە لە سەر هەندێ ناوچە ی دەشتای و ناوچە کراوەکان بەرووی خێرای با زیاتر دەبێت .
ئاماژەی بەوەشدا کە پلەکانی گەرما نزم دەبێتەوە بە (٢- ٣ ) پلەی سیلیزی بەراوورد بە تۆمارکراوەکانی دوێنی وەک لە وێنەکەدا ئاماژەی پێکراوە .
ئاشکراشی کردووە کە سبەی سێ شەممە کەشی ئاسمان ساماڵ و پەڵە هەور دەبێت و پلەکانی گەرما نزم دەبێتەوە بە (١- ٢ ) پلەی سیلیزی بەراوورد بە تۆمارکراوەکانی ئەمرۆ وەک لەخوارەوە ئاماژەی پێکراوە.
هەولێر : ٣٦ پلەی سیلیزی
سلێمانی : ٣٥ پلەی سیلیزی
دهۆک : ٣٤ پلەی سیلیزی
کەرکوک : ٣٨ پلەی سیلیزی
زاخۆ : ٣٦ پلەی سیلیزی
هەڵەبجە :٣٥ پلەی سیلیزی
سۆران : ٣٤ پلەی سیلیزی
حاجی ئۆمەران : ٢٤ پلەی سیلیزی
گەرمیان :٣٩ پلەی سیلیزی