بەڕێوبەرایەتیی پۆلیسی سلێمانی ئاشکرای کرد کە شەوی رابردوو لە سلێمانی باندێکی لەشفرۆشیان دەستگیرکردووە کە لە چوار ژن و پیاوێک پێکهاتووە.
بەڕێوبەرایەتییەکە لە راگەیەنراوێکدا دەڵێت، لەسەر بنەمای زانیاری و لە چالاکییەکی هاوبەشی بەڕێوەبەرایەتیی ئاسایشی سلێمانی و پۆلیسی نەهێشتنی تاوان، باندێکی پێنج کەسی لەشفرۆشیان دەستگیرکرد.
ئاماژەی بەوەشکرد، باندەکە لە چوار ژنی بەڕگەز عەرەب و پیاوێکی کورد پێکهاتووە و دوای لێکۆڵینەوە تۆمەتباران دانیان بە تاوانەکەیاندا ناوە و سەرجەمیان بەبڕیاری دادوەری لێکۆڵینەوە راگیراون.
پۆلیسی سلێمانی باس لەوەش دەکات، تۆمەتباران بەگوێرەی مادەی چوار لە یاسای بەرەنگاربوونەوەی لەشفرۆشی ژمارە هەشتی ساڵی ١٩٨٨ دەستگیرکراون.