دەزگای ئاسایشی هەرێمی کوردستان ڕایگەیاند" دەنگۆی بۆردومانکردنی ناوچە جیاوازەکانی هەرێمی کوردستان ڕەت دەکەنەوە" و دەشڵێت" تەنها ئاگر لە نزیك گوندی هۆمەرقەوم و چیای سورێن کەوتوەتەوە.
سەرچاوەیەکی ئەمنیش ڕایگەیاند" تانکی سوتەمەنی موشەکێكی نەزانراو لە عەربەت کەوتوەتەخوارەوە".
دەزگای ئاسایشی هەرێمی کوردستان لە ڕونکردنەوەیەکدا بڵاویکردەوە" بەهۆی کەوتنەوەی ئاگر لە نزیك گوندی هۆمەرقەوم کەوتەوە و لەگەڵ لایەنە پەیوەندیدارەکان توانیویانە ئاگرەکە کۆنترۆڵ بکەن".
ئاماژەی بەوەشکردوە" هەر ئەمڕۆ لە بنای چیای سورێن ئاگرکەوتوەتەوە و لە ئەنجامیشدا چەند پاشماوەیەکی جەنگی تەقیونەتەوە بەبێ هەبونی هیچ زیانێكی گیانی"، دەشڵێت" توانیویانە لەگەڵ لایەنە پەیوەندیدارەکان بە زویی ئاگرەکە کۆنترۆڵ بکەن".
دەزگای ئاسایشی هەرێمی کوردستان ڕەتیشی دەکاتەوە ئەو ناوچانە بۆردومان کرابێت.