لیژنەی باڵای تاقیکردنەوەکان بۆ پۆلەکانی ١٢ و ٩ راگەیاندنێکی بڵاوکردەوە و ئاماژە بەوە دەکات کە لە سەرەتای هەفتەی داهاتووەوە تاقیکردنەوەکان دەستپێدەکاتەوە.

لە راگەیاندنێکدا کە رۆژی چوار شەممە ١٨ی حوزەیران لیژنەی باڵای تاقیکردنەوەکان بڵاویکردەوە دەڵێن" تاقیکردنەوەکانی پۆلە ناکۆتاکان لە پۆلی ٤ ی بنەڕەتی تا ١١ ی ئامادەیی حکومی و ناحکومی - سیستمی وەزارەتی پەروەردە-  ( خولی دووەم) ، لە ٢١ ی ٦ ی ٢٠٢٥ تا ٦ ی ٧ ی ٢٠٢٥ دەبێت".

هەفتەی پێشوو بەهۆی شەڕی ئێران و ئیسرائیلەوە وەزارەتی پەروەردە تاقیکردنەوەکانی دواخست.
 

ڕاگەیەندراوێک لە لیژنەی باڵای تاقیکردنەوەکان :

 لە هەفتەی ئاییندەوە تاقیکردنەوەکان دەستپێدەکەنەوە :

١- تاقیکردنەوەی وەزاری ( خولی یەکەم ) پۆلی ١٢ی ئامادەیی بەهەموو بەشەکانیەوە بە گوێرەی خشتەی هاوپێچکراو دەبێت.

٢- تاقیکردنەوەی نیشتیمانی پۆلی نۆیەمى بنەڕەتی ( خولی دووەم) بە گوێرەی خشتەی هاوپێچکراو دەبێت.

٣- تاقیکردنەوەکانی پۆلە ناکۆتاکان لە پۆلی ٤ ی بنەڕەتی تا ١١ ی ئامادەیی حکومی و ناحکومی - سیستمی وەزارەتی پەروەردە- ( خولی دووەم) ، لە ٢١ ی ٦ ی ٢٠٢٥ تا ٦ ی ٧ ی ٢٠٢٥ دەبێت.

٤- قوتابخانە  حکومی و ناحکومیە (خۆماڵیەکان و نێودەوڵەتیەکان )  بەگوێرەی ئەو خشتەیەی قوتابخانە دایدەنێت لە هەفتەی ئاییندەوە تاقیکردنەوەکان  دەستپێدەکەنەوە .