ئەمڕۆ شەممە مامۆستایان و فەرمانبەرانی ناڕازی دژی دواکەوتنی مووچەکانیان هەڵوێستی خۆیان بۆ ئەنجامدانی خۆپیشاندانێکی بەرفراوان لە پارێزگای سلێمانی ڕاگەیاند و داواشیان لە ئۆپۆزسیۆن کرد هەڵوێستێکی یەکگرتوو و کاریگەریان هەبێت.
نەجمەدین محەمەد ساڵح مامۆستای ناڕازی، ئێوارەی ئەمڕۆ لە بەردەم باخی گشتی سلێمانی لە کۆنگرەیەکی ڕۆژنامەوانیدا داوای لە سەرجەم چین و توێژەکانی کۆمەڵگا و ئۆپۆزسیۆنی سیاسی کرد بەشداری خۆپیشاندانی داهاتوو بکەن کە بڕیارە کاتژمێر ١٠:٠٠ی سەرلەبەیانی ڕۆژی پێنج شەممەی ئەم هەفتەیە ئەنجام بدرێت، بۆ ئەوەی داوای خەرجکردنی مووچە دواکەوتووەکان بکەن.