ئێوارەی ئەمڕۆ دووشەممە لە سنووری گەرمیان بەهۆی دەستڕێژی گوللـەوە دوو برا کوژراون و دوای رووداوەکەش بکوژەکەش خۆی کوشتووە.
بەپێی زانیارییەکانی ماڵپەڕی (سپی)، ئێوارەی ئەمڕۆ بەهۆی کێشەی زەوی و زارەوە لە گوندی سەی بێخان لە سنووری ناحیەی شێخ تەویل لە گەرمیان سێ کەس شەڕ و ئاڵۆزی لە نێوانیان ڕوویدا.
هەر بەپێی زانیارییەکان، یەکێک لەو کەسانە تەقەی کردووە بەهۆیەوەیە دوو برا کوژراون، دواتر بکوژەکە خۆشی دەکوژێت.
لە ئێستادا هێزە ئەمنییەکان لێکۆڵینەوەیان لە رووداوەکە دەستپێکردووە و تەرمەکانیش رەوانەی نەخۆشخانەی شەهید هەژار کراون.