ئەمڕۆلە کوێستانەکانی دەڤەری برادۆست، گەنجێک بەهۆی تەقینەوەی مینێک پێیدا گیانی لەدەستدا.
ئەمڕۆ شەممە ٢٨ی حوزەیرانی ٢٠٢٥ گەنجێکی دەڤەری برادۆست بە دیاری کراوی دانیشتووی ناوچەی دەشتە هێرت و گوندی خۆرانە، بەناوی (عوسمان سەدیق برادۆستی) بەیانی ئەمرۆ ڕووی کردۆتە کوێستانەکانی برادۆست و بە دیاریکراوی کوێستانی سەرووکە، بەهۆی تەقینەوقەی مینێک گیانی لەدەستدا.
لەبارەی ئەم رووداوە وتەبێژی دەزگای مین لە سۆران رایگەیاند" ئەو گەنجە لە ناوچەی قەدەغەکراوی ئەمنی بووە و ئەم ناوچەیە هێماکانی ئاگادارکردنەوەی مینی لێ بووە و ناوچەکە قەدەغەیە سەردانکردن بۆی، بەهۆی گرفتە ئەمنییەکانەوە دەزگاکانی مین دەسەڵاتییان بەسەر ئەوێدا نییە، بەڵام هاووڵاتییان و دانیشتووانی دەڤەرەکە ئاگادار کراونەتەوە کە سەردانی ئەو ناوچەیە نەکەن ".
بە پێی زانیاریەکان ئەم گەنجە دوو مانگ لەمەوبەر ژنی مارە بڕیووە و بە نیاز بووە لە ڕۆژانی داهاتوودا ئاهەنگی گواستنەوە ئەنجام بدات، بەڵام ئەمرۆ گیانی لەدەستدا.