ئێوارەی ئەمڕۆ دوو شەممە، بوومەلەرزەیەکی بەهێز ناوچە سنوورییەکانی هەرێم و ڕۆژهەڵاتی کوردستان هەژاند.
محەمەد كەمال شارەزای كەشناسی و بوومەلەرزە، لە لێدوانێکدا ڕایگەیاندووە" کاتژمێر ٧:١٤ خولەکی ئێوارەی ئەمڕۆ بومەلەرزەیەکی بەهێز ناوچەكانی ئیدارەی سۆران و باڵەكایەتی لەگەڵ ناوچەكانی ڕۆژهەڵاتی كوردستانی هەژاند".
ئاماژەی بەوەشکردووە، گوڕی بومەلەرزەکە ٤.٢ پلەی ڕێختەر بووە و بە قۆڵایی شەش کیلۆمەتر لە ناخی زەویدا.
ئەوەشی خستەڕوو، چەقی بومەلەرزەکە لە گوندی گردەسووری ڕۆژهەڵاتی كوردستان بووە، هەروەها هاوڵاتییانی سۆران و ئیدارەی سەربەخۆی ڕاپەرین هەستیان بە بەهێزی زەمینلەرزەکە کردووە.