لیژنەى دارایی ئەنجوومەنی نوێنەرانی عێراق داوا لە تەیف سامى وەزیری دارایی دەکات پەلە بکات لە ناردنى خشتەى بوودجە.
بەپێی نوسراوێكی لیژنەی دارایی پەرلەمانی عێراق كە واژۆی عەتوان عەتوانی سەرۆكی لیژنەكەی لەسەرە تێیدا هاتووە" بە پشتبەستن بە یاسای بودجەی گشتی فیدراڵی حکومەت پابەندە بە ناردنی خشتەی بوودجە بۆ ساڵی دارایی، پێش کۆتایی ساڵ".
هەر لە نوسراوەکەدا لیژنەی دارایی داوا لە وەزارەتی دارایی عێراق دەكات كە خشتەی بودجەی ساڵی ٢٠٢٥ ڕەوانەی ئەنجوومەنی نوێنەران بكات بەمەبەستی پەسەندکردنی.