وەزیری دەرەوەی تورکیا، ڕایگەیاند'' داوا لە یەپەگە دەكەین دۆخی ناجێگیری و هەستیاری سوریا نەقۆزنەوە.''
هاکان فیدان، وەزیری دەرەوەی توركیا، لە نیویۆرک، سەبارەت بە هێرشەکانی ئیسرائیل بۆ سەر سوریا بۆ رۆژنامەنوسان ڕایگەیاند' ئیسرائیل ماوەیەکی زۆرە سیاسەتی ناسەقامگیری لە ناوچەکە پەیڕەو دەکات و ئێمە ناتوانین چاوپۆشی لەم رەفتارە شەڕانگێزە یەکلایەنەیە بکەین.''
وتیشی'' راپۆرتەکان باس لە هەندێک چالاکیی دەکەن لەناوخۆی سوریا، بەتایبەتی لەلایەن یەکینەکانی پاراستنی گەل (یەپەگە) و پەیامی ئێمە بۆ ئەوان ئەوەیە نا ئارامییەکان نەقۆزنەوەوەو خۆیان لە دۆخێکی نەخوازراوەوە نەگلێنن.''
جەختیشیکردەوە، یەپەکە نابێت ئەو دۆخە ناجێگیر و هەستیارەی سوریا زیاتر ئاڵۆز بکەن. پێویستە رۆڵێکی بونیادنەر بگێڕن، ئەگەرنا، هەلپەرستی مەترسی گەورەی لەگەڵ خۆیدا هەڵدەگرێت.
سەرباری ئەم لێدوانە توندە، بەلآم یەکمجارە فیدان یەپەگە بە " تیرۆریست " ناوزەد ناکات.