وتەبێژی حکومەتی هەرێم هۆکاری نە ناردنی مووچەی مانگی پێنج لەلایەن بەغداوە ئاشکرا کرد کە نەبوونی سویلەیە.
پێشەوا هەورامانی، وتەبێژی حکومەتی هەرێمی کوردستان رۆژی چوار شەممە ٢٣ ی تەموز لە دوای کۆبوونەوەی ئەنجومەنی وەزیران، ڕایگەیاند"شەوی ڕابردوو بە بیانووی نەبوونی سیولەوە ویستیان ناردنی مووچە دوابخەن، بەڵام ئەمڕۆ بەڵێنیان داوە چارەسەری سیولەش بکەن و پارەی مووچەی مانگی پێنجی فەرمانبەران ڕەوانە بکەن".
لە درێژەی لێدوانەکەیەدا وتەبێژی حکومەتی هەرێم وتیشی "وەزارەتی دارایی هەرێم ئامادەکاری خۆی کردووە بۆ ئەوەی لەگەڵ گەیشتنی پارەکە، دەست بە دابەشکردنی مووچە بکرێت و گوێ بەوەش نەدرێت پشوو بێت یان ڕۆژانی ئاسایی،".
پێشەوا هەورامی جەختیکردەوە کە حکومەتی هەرێمی کوردستان هەرچی ئیلتزاماتی سەرشانی هەیە جێبەجێی کردووە، بۆیە دەستوەردان هەبووە چ لەناوەوەی عێراق و دەرەوەش کە بەم جۆرەی ئێستا بابەتی مووچەی هەرێم نابێت بەردەوام بێت .
بڕیار بوو رۆژی چوار شەممە مووچەی مانگی پێنجی مووچەخۆرانی هەرێم رەوانەی هەرێم بکرێت، بەڵام ئەمڕۆش دەوامی فەرمی تەواو بووم بەبێ ناردنی مووچە.