سەرچاوەیەک لە وەزارەتی دارایی عێراق ئاماژەی داوە، وردبینی لە لیستی مووچەی مانگی حوزەیرانی فەرمانبەرانی هەرێمی کوردستان تەواو بووە.
یەکشەممە ٢٧ی تەممووز، سەرچاوەیەک لە وەزارەتی دارایی عێراق بە میدیای پارتی راگەیاند" پێش تەواوبوونی دەوامی وەزارەتی دارایی، وردبینی لە لیستی مووچەی مانگی شەشی فەرمانبەرانی هەرێمی کوردستان و تەرازووی پێداچوونەوە (میزانیە المراجعە) تەواوبووە و هیچ تێبینی و سەرنجێکیان لەسەر نەبووە."
ئەمەش لە کاتێکدایە زیاتر لە مانگێکە وەزارەتی دارایی هەرێمی کوردستان لیستی مووچەی مانگی حوزەیرانی مووچەخۆرانی هەرێمی کوردستانی ڕەوانەی وەزارەتی دارایی فیدراڵ کردووە.