لە رووباری خازر لە سنووری قەزای بەردەڕەش چوار کەس لە کاتی مەلەکردن دا خنکان.
بڕوا فارووق، قایمقامی بەردەڕەش رایگەیاند" لە رووباری خازر لە سنووری قەزای بەردەڕەش چوار کەس لە کاتی مەلەکردن دا خنکان.
وتیشی" ئەو چوار کەسە بۆ سەیران چووبوونە لێواری رووباری خازر لە گوندی کانیلانی سنووری بەردەڕەش و هەرچواریان بەدوای یەکدا خنکاون، دوو لەو کەسانەی خنکاون برای یەکدین و هەرچوار خنکاوەکە تەمەنیان کەمە".
باسی لەوەشکرد کە ئەوانەی خنکاون دانیشتووی بەردەڕەشی بچووکن لەنێو سەنتەری قەزاکە.
ئەو چوار کەسەی لە رووباری خازر خنکان:
ئوسامە محەممەد عەزیز؛ لەدایکبووی ٢٠٠٣
مەحموود جەمال عەبدولواحید؛ لەدایکبووی ٢٠٠٤
بیلال کەمال مستەفا؛ لەدایکبووی ٢٠٠٧
محەممەد کەمال مستەفا؛ لەدایکبووی ٢٠٠٨