دەستەی سەربەخۆی مافی مرۆڤ لە راگەیەنراوێکدا بڵاویکردەوە کە تیمێکی دەستەکەیان سەردانی ئاسایشی هەولێریان کردوە و چاویان بە هونەر ڕەشید ئاغا کەوتووە، دەشڵێت" بەردەوام دەبین لەبەدواداچوونەکان لەهەر کاتێکدا پێویست بێت".
ئەمڕۆ دووشەممە ٤ی ئاب دەستەی سەربەخۆی مافی مرۆڤ راپۆرتێکی لەبارەی چارەنووسی هونەر ڕەشید ئاغا بڵاوکردەوە.
لە دەقی راپۆرتەکەدا هاتووە" دوای بڵاوبونەوەی چەند هەواڵێک لەسەر کەیسی هاوڵاتی هونەر ڕەشید ئاغا کە باس لەدیار نەبونی چارەنوسی و کوژرانی دەکرا بۆ ئەم مەبەستە لەسەر فەرمانی بەڕێز سەرۆکی دەستە دکتۆرە مونایاقۆ تیمێکی دەستەی ڕاسپاردبۆ بەدوا داچون بۆ کەیسی ناوبراوو تیمەکەش سەردانی بەڕێوەبەرایەتی ئاسایشی هەولێریان کردو لەنزیکەوە لەکەڵ ئیدارەی ئاسایش گفتوگۆیان کردو چاویان کەوت بەناوبراویش بۆ ئەو مەبەستەش بەڕێوەبەری گشتی فەرمانگەی یاساو پاراستنی مافی مرۆڤ تاڤگە عمر ئاماژەی بەوە کردووە دوای سەردانی کردن و دڵنیابونەوە لەتەندروستی ناوبراو لە ئێستادا هیچ کێشەیەکی نیەو لەچوارچێوەی ڕیکارە یاساییەکان مامەڵەی لەگەڵ دەکرێ و ماوەی یاسایی خۆی بەسەر دەبات و دەستەش بەردەوام دەبێت لەبەدوا داچونەکان لەهەر کاتێکدا پێویست بێت" .
ئەوەش لە کاتێکدایە کە هونەر ڕەشید چالاکی مەدەنی بووە و لە چيندین بۆنەی مەدەنیشدا بەشداری کردوە وچەندین لێدوانیشی دژ بە پارتی ئەنجامداوە بەو هۆیەشەوە لە سلێمانی دەستگیر دەکرێت و ڕەوانەی هەولێر دەکرێتەوە. پێشتر چەند ناوەندێک هەواڵی کوژرانی ئەو چالاکە مەدەنییەیان بڵاوکردبووەوە.