شۆفێرانی تانکەرەکانی گواستنەوەی سووتەمەنی لە قەزای خەبات دەستیان کردەوە بە خۆپیشاندان و ڕێگەی نێوان هەولێر بۆ موسڵیان داخست.
شۆفێری تانکەرەکان باسیان لەوەکرد، هۆکاری ناڕەزایەتییەکەیان بۆ ئەوە دەگەڕێننەوە کە لە پاڵاوگەکانی سنوورەکە تەنها ڕێگا بە کارکردنی ئەو تانکەرانە دەدرێت کە شۆفێرەکانیان خەڵکی تورکیا و ئێرانن.
ئاماژەیان بەوەشکرد، ڕێگری لە شۆفێرانی دانیشتووانی سنوورەکە دەکرێت لەو پاڵاوگەکاندا کاربکەن.