پۆلیسێكی دارستان بەهۆی ئاگرەكەی هەڵەبجە گیانی لەدەستدا و بووە دووەمین قوربانی ئاگرە گەورەکەی چنار و مۆردین و نەیجەڵە.
بەرگریی شارستانیی هەڵەبجە رایگەیاند” محەمەد حەیدەر پۆلیسی دارستانە، لەکاتی کوژاندنەوەی ئاگرەکەی گوندی نەیجەڵەی هەڵەبجە گیانی لەدەستدا”.
بەگوێرەی راگەیەنراوی بەڕێۆەبەرایەتی پۆلیسی دارستان و ژینگەی هەڵەبجە، محەمەد شێخ حەیدەر سازانی، کارمەندی پۆلیسی دارستان و ژینگەی هەڵەبجە، بەهۆی سووتانەوە بەکاریگەری بەردەوامی ئاگرەکە، لەگوندی نەیجەڵە گیانی لەدەستدا و بووە دووەمین قوربانی ئاگرە گەورەکەی چنار و مۆردین و نەیجەڵە.
ئەمە لەكاتێكدایە، كە شەوی ڕابردووش گەنجێك بەناوی (ئاری موختار) بەهۆی ئاگرەكەوە گیانی لەدەستدا.