بە شێکی زۆر لە نوسەر و ڕۆشنبیران ڕاینگەیاند'' ناکرێ ئەو چەکانەی هاوپەیمانان بۆ شەڕی داعش داویانە، لە شەڕی خۆبەخۆ بەکاربهێندرێت و ، هەوڵدان بۆ قڕ و قەپ پێكردنی دەنگانی ناڕازی ، بێبایەخكردنی ئازادی ، هەموو ئەمانە پێمان دەڵێن كوردستان بەرەو تونێڵێكی تاریك دەبرێت.''
دەقی بەیاننامەکە:
ئەم ترس و تۆقاندنە ڕابگرن
ڕوداوی هۆتێل لالەزار و هێنانی تانك و زریپۆش و چەكی قورس بۆ ناو شار بۆ یەكلاكردنەوەی كێشەی سیاسی نێوان دوو هێز و، ڕوداو گەلی پێشتر پێمان دەڵێن؛ لەم وڵاتە هێشتا چەك سەرداری گشتە و ئاوەز و بیركردنەوەی ئاوەزیانە بۆ چارەسەری كێشە بوونی نییە ، بە سەربازگەكردنی شار ، شكۆ شكاندنی دەسەڵاتی دادوەری و دادگا لە دۆسیەی شێروان شێروانیەوە تا داننان بە دەستوەردانی سیاسی ، هەوڵدان بۆ قڕ و قەپ پێكردنی دەنگانی ناڕازی ، بێبایەخكردنی ئازادی ، هەموو ئەمانە پێمان دەڵێن كوردستان بەرەو تونێڵێكی تاریك دەبرێت.
لەم كوردستانە ساڵانی هەشتا یەك زانكۆ هەبوو ، هەمیشە دەنگی ناڕەزایەتی بەرزو بەعس زیڕەی كردبوو لە دەستی، بۆیە دەیگوازتەوە و بەردەوام سەركوتی دەكرد ، ئێستا دەیان زانكۆی حكومی و ئەهلی هەیە ، دەسەڵات نوزەی لێبڕیوون ، بە ئاستەم دەنگی نەخێر نابیستی كەواتە ئەمە هەنگاونانە بەرەو ستەمكاری ڕەها و، پێچەوانەی ئەو پەیام و پەیڕەو سیاسەتەی دەسەڵات خۆشیەتی .
خەڵك بێ موچە دەكرێت ، بێ ژیان دەكرێت ، بێ هەڵوێست دەكرێت ، ناچار دەكرێت پەنا بەرێتە بەر ئەو بەغدایەی بە درێژای حوكمڕانی ستەمی لێكردوە ، لەم لاشەوە هەڕەشە و تۆقاندن بەردەوامە، پێویستە هەردوو حزبی دەسەڵات ، لە خۆیان بپرسن چی تر ماوە بیكەن، هەر بەڕاست ئەوان ئەو هەموو ساڵە بۆ ئەم حوكمڕانییە بە ناو خۆماڵیە تێكۆشاون ؟
ناكرێت هیچ ناكۆكیەك لە ناو جەرگەی شاردا بە چەك یەكلایبكرێتەوە، شار مانانی جیاوازی و پێكەوە ژیان ، شار شاری یەك لایەن و یەك گروپ و یەك حزب و یەك بنەماڵە نییە، شار موڵكی هەموو هاوڵاتیەكانیەتی.
ناكرێت دۆسیەی یاسایی بە بڕیاری حزبی و هێزی چەكدار یەكلایی بكرێتەوە ، ناكرێت بێ هیچ پاساوێك كەناڵی میدیایی دابخرێت ، ناكرێت ئەو چەك و چۆڵەی هاوپەیمانان بۆ شەڕی داعش داویانە بە بە یەكێتی و پارتی و حكومەت ، لە شەڕی خۆ بە خۆدا بە كار بهێنرێت ، لەبەرئەوەی پەیوەندی كۆمەڵایەتی و سیاسی دەشێوێت و متمانەی هەموو لایەك لە دەست دەدرێت .
نەخێر بۆ ترس و تۆقاندن..
ناوەكان
-شوان محەمەد ڕۆژنامەنووس
ـ عەزیز ڕەوف نوسەر مامۆستای زانكۆ
ـ عەبدولڕەزاق شەریف سیاسی نوسەر
- ئاسۆس هەردی ڕۆژنامەنووس
- سان سارڤان میدیا كاری ژینگەی
- لەتیف فاتیح فەرەج نوسەر
- ڕزگار مستەفا نوسەر پێشمەرگەی شاخ
- كەمال ڕەئوف ڕۆژنامەوان
- دڵشاد ئەنوەر ڕۆژنامەنووس
- دكتۆر جەعفەر عەلی مامۆستای زانكۆ
- هاوكار عیزەت ڕۆژنامەنووس
- تاگۆر زەردەشت نوسەر
ـ هیوا سەید سەلیم نوسەر
- زۆزك سابیر ڕۆژنامەنووس
-هەندرێن شێخ ڕاغب رۆژنامەنووس
- گەلاڤێز هەمزی چالاكوان
- كاروان سابیر رۆژنامەنووس
- كاوە نادر نوسەر
- مەریوان زەنددی چالاكوان
- عوسمان زیندانی چالاكی كرێكاری
- نەهرۆ عاڵای رۆژنامەنووس
- كارزان فازیل پارێزەر
- ئارام جەمال نوسەرو چالاكی مەدەنی
- شۆڕش ئەمین نوسەر و چالاکوان
- خەبات عەبدوڵا نوسەر
- لەتیف شێخ مستەفا دادوەر
- پەروا عەلی چالاكی سیاسی نوسەر
- د كامیل عومەر مامۆستای زانكۆ
- د شێركۆ محەمەد ئەمین مامۆستای زانكۆ
- نامۆ مەجید نوسەر
- پەیمان عەزەدین نوسەر، پارێزەر
- گەشە حەفید مافناس
ـ ئەڤین نەسرین.. میدیاکار
- بڕوا ڕەسول ئەحمەد مامۆستای زانکۆ
- عەباس قادر عەبدوڵا.. مافناس
-بارزان شەلال مامۆستا و شاعیر
- شادمان ئەحمەد- پارێزەر
- نەیبل موسا.. چالاکوانی ژینگەیی
د. سەورەر عەبدولرەحمان، سەرۆکی ڕێکخراوی پەی
- کاردۆ محەمەد پەرلەمانتاری پێشوو
- ئەبوبەکر هەڵەدنی پەرلەمانتاری پێشوو
- بەهار مونزیری چالاکوانی بواری ژنان
- د. نەشمیل رەسول، دکتۆر
- د. دارا محەمەد .. مامۆستای زانکۆ ـ لەندەن
- عەبدولڕەحمان عەلی ڕەزا ــ نوسەر
- هیوا حەسەن.. نوسەر
- ئەحمەد ڕەزا- شاعیر
- مەحمود ڕەزا.. نوسەر و ڕۆژنامەنوس
ئاکۆ محمد محمود / چالاکوانی مەدەنی .
بێستون حەمە ساڵح / پارێزەری راوێژکار .
ئاکام عبدالله تۆفیق / پارێزەری روێژکار .
ئومێد محمد ساڵح / رۆژنامەنوس و شارەزای دادوەری .
تێبینی ..
گەر هەر ئازیزێك لەگەڵ ناوەرۆکی بەیاننامەکەدایە ناوی خۆی زیاد بكات و دەتوانێ لە سۆسیال میدیای خۆی بڵاویبکاتەوە.