لە بەیاننامەیەکدا کۆمێڵێک رۆژنامەنووس ورۆشنببیر و نووشەر بە ناو ونیشانی "ئەم ترس و تۆقاندنە ڕابگرن" رایانگەیاند"  ڕوداوی هۆتێل لالەزار و هێنانی تانك و زریپۆش و چەكی قورس بۆ ناو شار بۆ یەكلاكردنەوەی كێشەی سیاسی نێوان دوو هێز و،  ڕوداو گەلی پێشتر پێمان دەڵێن؛ لەم وڵاتە هێشتا چەك سەرداری گشتە و ئاوەز و بیركردنەوەی ئاوەزیانە بۆ چارەسەری كێشە بوونی نییە ، بە سەربازگەكردنی شار ، شكۆ شكاندنی دەسەڵاتی دادوەری و دادگا لە دۆسیەی شێروان شێروانیەوە تا داننان بە دەستوەردانی سیاسی ، هەوڵدان بۆ قڕ و قەپ پێكردنی دەنگانی ناڕازی ، بێبایەخكردنی ئازادی ، هەموو ئەمانە پێمان دەڵێن كوردستان بەرەو تونێڵێكی تاریك دەبرێت".

دیارە ئیمە بەرگری لە هیچ حیزیک ناکەین چونکە دەزانین ئەم حیزبانە هیچیان بۆ خزمەتی خەلک کار ناکەن و تەنها بۆ بەرژەوەندی حیزبی و کەسی خۆیان نەبیت و لەم پیناوەشدا ئەوەی لەدەستیان بیت دژی یەک دەیکەن، ئیمە بەرگری تەنها لەخەلکو و لە شارو  لە یاسا دەکەین کەچی بەداخەوە کادرانی حیزبیکی ئیسلامی کە تا ئیستا خۆیان هیچ هەڵویستیکیان نەبوە ، هاتون رەخنە لە ئیمە دەگرن کە بۆچی بێ دەنگین و هەڵویستمان  نیە وە قسەی نەشیاو و ناراستیشیان کردوە، وا دەزانن هەڵویست تەنها نوسین یان هەندی قسەو ژاوەژاوە ،کورد وتەنی گای نێر بە(گ) شاخیدا دەناسنەوە.

من خۆم  وەک شەخسی پیم وانیە ئەو هیرشانەی لەلایەن ئەو کادیرو قەلەم بەدەستانەیان تەوجیهی  رەسمی حیزبەکانیان بیت و هیچ بەڵگەم نیە لەسەر ئەوە چونکە لەلایەک نیوانم لەگەل زۆریکیان باشە و هەمیشە و کە بەسودفە دەیانبینم لە ریزو ئیحتیرام نەبی هیچ لە بەینا نەبوە و ئیمەش ئەگەر  شتیکمان بەدەسەت بوبیت یان قسەیەکمان کردبیت ویستومانە لایەنگیری حەق ببین ،بەلام لەوە دەچیت کە ئەم  کادیرو قەلەم بەدەستانەیان ئەوە نەزانن ئەگەرنا هیچ هۆکاریکی تر شک نابەم.

وەک منەت نا بەلام وەک بیر خستنەوە بۆ ئەو کادیرو لایەنگرو هاوسۆزانە دەمەوی هەندی هەلویستی خۆمان بەرامبەر حیزبەکانیان  بیر  بهینمەوە دوای روخانی  سەدام و گیرانی  مامۆستا عەلی باپیرو هاوریکانی وابزانم تاقە کەس بووم  لەدەرەوەی حیزبەکە هەلویستی توندو نارەزاییم دەربڕی لەسەر ئەو دەسگیر کردنە لە کاتیکدا نە ئۆپۆزسیۆن هەبوو نە هیچ وە زۆربەی خەلک چەپلەیان بۆ دەسەلات لیدەدا.

ساڵی ۲٠٠٥ کە سەرپەرشتیاری کۆمسیۆنی سلیمانی هەلبژاردنەکان بووم بە شیوەی کاتی وە بارەگاکانی یەکگرتوو لە بادیان سوتینران و خەلکیان لێ شەهیدو بریندارکرا لە دهۆک هەولیک هەبوو لە سلیمانیش ئەوە دوبارەبکریتەوە ئیمە بەتوندی دژی ئەوە وەستاینەوەو هەرشەی وازهینان و دەستلەکار کیشانەوەمان کردئەگەر شتیکی وا  لە سلیمانی روبدات و بەهاوکاری وەزیری ناوخۆی سلیمانی ئەوسا ریگریمان لیکرد هەرلەو ساڵانەدا کە تەنگ بە یەکگرتوو هەڵچنراو دەیانویست فشاری بۆ بهینن ولەکاری سیاسی دوری بخەنەوە ئیمە لەگەل کۆمەلیک نوسەرو رۆشنبرو چالاکوان پاڵپشتی خۆمان بۆ دەربڕین   داوای فەراهەم کردنی ئازادی کاری سیاسیمان بۆ کردن پیشمان وابو هەلویستەکەمان بۆ ئەوکات سەنگی خۆی هەبوو لەکاری دادوەریشماندا تا ئەو رۆژەی دەستمان لەکاری دادوەری کیشایەوەلەسەر دەستوەردانی حیزبی لە کاری دادگادا ، هەمیشە لە کەیسەکاندا بەتایبەتی کەیسەکانی تیرۆر کە زۆر جار لایەنگرانی حیزبە  ئیسلامیەکانی تیدا بوە هەولمان داوە تەنهاو تەنها بە بەلگەی یاسایی و موقنیع و بەبێ حیساب کردن بۆ هیچ کاریگەریەک  کەیسەکان یەکلایی بکەینەوەو بریاریان تیدا دەربکەین  بە گوێرەی بەڵگەکان و ویژدانی دادوەری خۆمان و میژوی کاری دادوەریشمان  شایەدی ئەوەمان بۆ دەدەن