لە بەیاننامەیەکدا ژمارەیەک چالاکوان و هاوڵاتی لە هەرێمی کوردستان - عێراقدا، کە ئاراستەی فەرماندەیی هێزەکانی هاوپەیمانی نێودەوڵەتی لە عێراق کراوە، جەخت لەوەدەکەنەوە لەوەی کە مەسەلەیەکی زۆر مەترسیدار کە هەڕەشە لە ئارامی و سەقامگیریی هەرێمی کوردستان-عێراق دەکات، ودەڵێن" ئەوەش بریتییە لە بەدبەکارهێنانی ئەو چەک و تەقەمەنیانەی دراوە بە هێزەکانی پێشمەرگە لە چوارچێوەی پشتیوانیی هاوپەیمانیی نیودەوڵەتی دژی رێکخراوی تێرۆریستی داعش لەلایەن هێز و گرووپی دیکەوە".
لە بەیاننامەکەدا چالاکوانان و هاوڵاتیان داوا لە هاوپەیامان دەکەن کە ” هەوڵ بدەن ئەم چەکانە لەم هێزە تایبەتانە بسەندنەوە، لەبەرئەوەی لە پاکتاوکردنی کێشە ناوخۆییەکان بەکاری دەهێنن، کە ئەمەش پێچەوانەی ئەو ئامانجە سەرەکیانەیە کە پێیان بەخشراوە.
دەقی بەیاننامەکە:
بۆ فەرماندەیی هێزەکانی هاوپەیمانی نێودەوڵەتی لە عێراق
بەڕێزان،
ئێمە وەکو ژمارەیەک چالاکوان و هاوڵاتی لە هەرێمی کوردستان - عێراقدا، دەمانەوێت سەرنجی بەڕێزتان رابکێشین بۆ مەسەلەیەکی زۆر مەترسیدار کە هەڕەشە لە ئارامی و سەقامگیریی هەرێمی کوردستان-عێراق دەکات. ئەوەش بریتییە لە بەدبەکارهێنانی ئەو چەک و تەقەمەنیانەی دراوە بە هێزەکانی پێشمەرگە لە چوارچێوەی پشتیوانیی هاوپەیمانیی نیودەوڵەتی دژی رێکخراوی تێرۆریستی داعش لەلایەن هێز و گرووپی دیکەوە.
لەمیانەی ئۆپەراسیۆنە سەربازییەکانی ئەم دواییانە لەهەردوو پارێزگاکانی هەولێرو سلێمانی ئەو راستییە ئاشکرا بوو کە بەشێک لەم چەک و تەقەمەنیانە لەلایەن هیزە تایبەتەکانی وەکو زێرەڤانی و دژە تیرۆرو کۆماندۆوە کە سەر بە هەردوو حیزبی دەسەڵاتدارن بەکاردەهێنرێن بۆ پاکتاوکردنی حساباتی سیاسیی ناوخۆیی دژ بە خەڵکی هەرێمی کوردستان و پارتە سیاسییەکانی دیکە. ئەمەش خۆی لەخۆیدا لادانێکی مەترسیدارە لەو ئامانجە سەرەکییەی ئەو چەک وتەقەمەنیانەی پێ بەخشراوە کە ئەویش روبەڕوبونەوەی تیرۆر و سەقامگیریی هەرێمی کوردستان و ناوچەکەیە.
بەردەوامبوونی ئەم دۆخەو بەمجۆرەی ئێستای هەڕەشەیەکی جدییە کە ئەم دامەزراوە سەربازییە تایبەتانە وەکو هاوچەشنەکانیانی لێ بێت لە عێراقدا کە پابەند نین بە دامەزراوە شەرعیەکان و سەروەری یاساوە، ئەمەش بێ گومان ترس و دڵەڕاوکێ لەنێو هاوڵاتیاندا دروست دەکات و بەها باڵاکانی دێمۆکراسی تەسکتر دەکاتەوە کە لەمێژەوە هاوپەیمانە نێودەوڵەتیەکانمان بانگەوازی بۆ دەکەن.
لەبەر ئەو خاڵانەی لەسەرەوە ئاماژەمان پێداون داواکارین لە هێزەکانی هاوپەیمانی نێودەوڵەتی لە عێراق:
• هەوڵ بدەن ئەم چەکانە لەم هێزە تایبەتانە بسەندنەوە، لەبەرئەوەی لە پاکتاوکردنی کێشە ناوخۆییەکان بەکاری دەهێنن، کە ئەمەش پێچەوانەی ئەو ئامانجە سەرەکیانەیە کە پێیان بەخشراوە.
• پاڵپشتیی چاکسازیی کەرتی سەربازی بکەن، هەوڵ بۆ یەکخستنی هێزەکانی پێشمەرگە بدەن لەژێر یەک سەرکردایەتیی پیشەیی و نیشتیمانیدا دوور لە دەستێوەردانی حیزبی. هەروەها واز لە پڕ چەککردنی ئەم هێزە تایبەتانە بهێنن.
• لیژنەیەکی لیکۆڵینەوەی بێ لایەن دابمەزرێنن بۆ کنەکردن و چاودێریکردنی بەدبەکارهێنانی ئەم چەک و تەقەمەنیانەی لەلایەن هاوپەیمانی نێودەوڵەتیەوە بەخشراون بە هێزەکانی پێشمەرگە.
ئێمە کاتێک ئەم مەترسی و داواکاریانەتان بۆ بەرز دەکەینەوە، پاڵپشتییە بەردەوامەکانتان بۆ بنبڕکردنی تێرۆر لەهەرێمی کوردستاندا بەرز دەنرخێنین. بێ دەنگیتان لە ئاست ئەم لادانە ترسناکە، سەقامگیریی هەرێم و ئایندەی دێمۆکراسی لە هەرێمدا دەخاتە بەردەم مەترسی گەورەوە.
لەگەڵ رێزو سوپاسی بێ پایانماندا.
ناوەکان:
１-خەبات عەبدوڵا .. نوسەرو رۆژنامەنووس
２-سەفوەت رشید .. .مافپەروەر
３-د. لەتیف شیخ مستەفا ...مافپەروەر
４-مەحمود رەزائەمین .. چالاکی سیاسی و ئەندامی پێشووتری ئەنجومەنی نوێنەرانی عێراق
５-د. پەروین نوری عارف ... ئەکادیمی و پسپۆڕ لەمێژووی زارەکی
６-محمەد ساڵح سەلیم ... مافپەروەر
７-محەمد کەریم محەمد ... ئابوریناس و چالاکی مەدەنی
８-نیهاد قازی ... چالاک لەبواری مافەکانی مرۆڤدا
９-کاوان فەرەج ... چالاکی مەدەنی
１０-د. سالار باسیرە ... ئەکادیمی
１１-د. گەشە حەفید ... مافپەروەر
１２-د. رازاو گوڵی ... مافپەروەر
１３-تحسین قادر ... وەزیری پێشووتر لە حکومەتی هەرێمی کوردستان
１４-نیاز عەبدوڵا ... رۆژنامەنووس و داکۆکیکار لە مافەکانی مرۆڤ
１５-شۆڕش ئەمین... چالاکی مەدەنی
１６-پەروا عەلی ... چالاکی مەدەنی و ئەندامی پێشووتری پارلەمانی کوردستان
１７-عەبدوڵا کەریم مەحمود ... نوسەر و رۆژنامەنوس
１８-ئاسۆ محەمەد شوانی... رۆژنامەنوس و چالاکی مەدەنی
１９-موجاهید محەمەد ئەمین ... مامۆستا
２０-بابان جەعفەر ... چالاکی مەدەنی
２１-د. کامەران قەرەداخی ... دکتۆری پسپۆڕ ومامۆستای زانکۆ
２２-تاریق فاتیح ... سەرنوسەری رۆژنامەی هاوڵاتی
２３-عیماد حەمید عەلی ... مافپەروەر
２４-کارزان فاچل ... مافپەروەر
２５-ئارام جەمال ... چالاکی مەدەنی
２６-شوان عەبدوڵا ... زیندانی سیاسی لە سەردەمی فەرمانڕەوایی بەعس
２７-نێزیک حاجی ... چالاکی مەدەنی
２８-د. شێرکو کرمانج ... توێژەرو ئەکادیمی
２９-بابەکر دڕەیی ... مافپەروەرو چالاکی سیاسی
３０-شوان محەمد ... رۆژنامەنوس
３１-پەیمان عیزەدین ... مافپەروەر
３２-ئەبوبەکر هەڵەدنی ... پەرلەمانتاری پێشووی پەرلەمانی کوردستان
３３-سەڵاح رەشید ... وەزیری پێشوتری حکومەتی هەرێمی کوردستان
３４-فەتاح زاخۆیی ... وەزیری پێشووتری حکومەتی هەرێمی کوردستان
３５-د. سەروەر عەبدولڕەحمان ... سەرۆکی رێکخراوی پەی
３６-دانا رەشید ... چالاکی مەدەنی
３７-ستارە عارف ... چالاکی مەدەنی
３８-نەوروز عەباس ... چالاکی مەدەنی و رۆژنامەنوس
３９-جەمال شێخ جەلال ... فەرمانبەری خانەنشین
４０-بەهایدن ... هونەرمەندی شێوەکار
４１-وەهاب واحید ... مامۆستا
４２-جیهاد محەمەد ئەمین ... چالاکوانی مەدەنی و پسپۆڕی پەروەردە
４３-خالید رەزا ئەمین ... قایمقامی پێشووتری ناوەندی پارێزگای سلێمانی
４４-ئاراس محەمد غەریب ... بەڕێوەبەری گشتی خانەنشین
４５-رەهەند رەزا ... مافپەروەر
４６-رێبوار حەمە ئەمین ... چالاکی مەدەنی
４７-د. کامیل عومەر ... مامۆستای زانکۆ
４８-محەمەد نوری ...رۆژنامەنوس
４９-فەرەیدون سامان ... سەرنوسەری گۆڤاری زمان وزار
５０-نەوزاد عەزیز ...نوسەرو توێژەری کۆمەڵایەتی
５１-وریا عەبدوڵا رەسوڵ ... توێژەری کۆمەڵایەتی و زیندانی سیاسی
５２-دەوەن مەعروف ... شاعیر و پێشمەرگەی دێرین
５３-نەزیرە حارس ...چالاکی مەدەنی و پێشمەرگەی دێرین
５４-کەریم ملا رەشید ... نوسەرو وەرگێڕ
５５-ئاسۆ حەیدەری ... زیندانی سیاسی و پێشمەرگەی دێرین
５６-ئیسماعیل حەمە ئەمین ...نوسەرو رۆماننووس
５７-ئەیاد محەمد عەبدوڵا ... زیندانی سیاسی لە سەردەمی فەرمانڕەوایی بەعس
５８-د. شێرکۆ محەمەد ئەمین ... ئەندامی پێشوتری پارلەمانی هەرێمی کوردستان
５９-د. سارا موحسین ... ئەندامی پارلەمانی هەرێمی کوردستان
６０-شوان داودی ... رۆژنامەنوس و ئەندامی پێشوتری ئەنجومەنی نوێنەرانی عێراق
６１-ژوان ئەحمەد ... رۆژنامەنوس
６２-سەرگوڵ قەرەداخی ... مافپەروەر
６３-سەید ئەحمەد حەمە لاو ... رۆماننووس
６４-هیوا سەعید سەلیم ... نووسەرو چالاکی سیاسی