وتەبێژی دەزگای ئاسایشی هەرێم، جەخت لەوەدەکاتەوە کە لێکۆڵینەوە لەسەر ڕووداوی تەقەکردن لەچالاکوان هێمن مامەند دەستپێکردوە.
عەقید سەلام وتەبێژی دەزگای ئاسایشی هەرێم، وتی" ئەمشەو کاتژمێر٧:٢٠دەقیقە، لەشاری سلێمانی، تەقە لە ڕۆژنامەنووس و چالاکوانی مەدەنی هێمن مامەندکرا و دەستبەجێ لەسەر ئەم ڕووداوە دەزگای ئاسایشی هەرێم، لێکۆڵینەوەی دەستپێکردەوە و گەڕان بەدوای بکەرانی ئەم تاوانە بەردەوامە".
ئەمشەو سێشەممە ٢ی ئەیلولی ٢٠٢٥ لە گەڕەکی عەقاری لە شاری سلێمانی تەقە لە هێمن مامەند کرا و بەسەختی بریندرا کراوە.
بەرهیم لەتیف هاوڕیی هێمن مامەند بە سپی میدیای راگەیاند کە " ژمارەیەک فیشەکی لێدراوە ویەکیان بەر جەستەی کەوتووە و رووداوەکە لە عەقاری روویداوە و لە ئێستادا ناوبراو لە لە نەخۆشخانەی شارە".
هێمن مامەند رۆژنامەنوسە و لە کۆمپانیای چەتر کار دەکات ولە ساڵی ٢٠١٧ لە دادگای هەولێر داواکراوە و لەوکاتەوە لە شاری سلێمانی نیشتەجێیە .