چوارشەممە ١٠ی ئەیلول، دەزگای ئاسایشی هەرێم باندێکی بازرگانی کۆچبەری نایاسایان دەستگیرکردوە.”
ئاسایش دەڵێت” توانراوە بازرگانێکی هێنانی کۆچبەری نایاسایی و ٦ تۆمەتباری هاوکاری دەستگیربکەن و لەچالاکییەکەدا ١٤ هاوڵاتی کۆچبەری نایاسایی لەکاتی هێنانیان بۆ هەرێمی کوردستان دەستگیرکران کە لەناو بارهەڵگرێکدا شاردرابوونەوە..”
دەقی راگەیەندراوی ئاسایش:
دەزگای ئاسایشی هەرێم دەستگیرکردنی باندێکی بازرگانی کۆچبەری نایاسایی ڕادەگەیەنێت.
بەرێوەبەرایەتی لێکۆڵینەوەی دەزگای ئاسایش، بەهەماهەنگی بەرێوەبەرایەتی ئاسایشی بازگەکان، توانیان بازرگانێکی هێنانی
کۆچبەری نایاسایی و ٦ کەس بەتۆمەتی هاوکاریکردنی دەستگیربکەن.
دوای بەدواداچوون و چاودێری ورد و کۆکردنەوەی زانیاری لەسەر باندێکی بەقاچاغ هێنانە ناوەوەی هاوڵاتی بیانی بۆ هەرێمی کوردستان، بەبڕیاری دادوەرەی لێکۆڵینەوەی ئاسایش توانرا شەوی ٢٠٢٥/٨/١٤ بازرگانێکی هێنانی کۆچبەری نایاسایی و ٦ تۆمەتباری هاوکاری دەستگیربکەن و لەچالاکییەکەدا ١٤ هاوڵاتی کۆچبەری نایاسایی لەکاتی هێنانیان بۆ هەرێمی کوردستان دەستگیرکران کە لەناو بارهەڵگرێکدا شاردرابوونەوە.
لەئێستادا تۆمەتباران بەپێی ماددەی ٣٩ لەیاسای مانەوە ڕاگیراون و لێکۆڵینەوە لەدۆسیەکانیان بەردەوامە.
بەڕێوەبەرایەتی گشتی ئاسایش - سلێمانی