وەزیری نەوتی عێراق ١٥ی ئەیلول ڕایگەیاند'' پاڵاوگەی كەركوك كە سەر بە كۆمپانیای پاڵاوگەكانی باكوورە، دەستیكردووە بە بەرهەمهێنانی بەنزینێكی ئۆكتان و كوالێتی بەرز.''
حەیان عەبدولغەنی، دەڵێت'' ئەوەش لەدوای ئەوەی یەكەی هایدرۆجینكردن و ئایزۆمێكردن لە پاڵاوگەكەدا كرایەوە و پاڵاوگەی كەركوك لە توانایدایە رۆژانە ١٢هەزار بەرمیل لەو بەنزینە كوالێتی بەرزە، بەرهەمبهێنێت.''
وەزیرەکەی عێراق جەختیشی کردەوە لەوەی ئەو پەرەسەندنە رۆڵێكی بەرچاوی دەبێت، لە پڕكردنەوەی زۆرێك لە پێداویستییەكانی بازاڕی ناوخۆ و كەمكردنەوەی پشتبەستن بە هاوردەكردنی بەنزین لە بازاڕەكانی دەرەوە