شەممە ٢٠ی ئەیلولی ٢٠٢٥، دەم پارتی داوا دەكات دەستوری توركیا هەموار بكرێتەوە بەشێوەیەك مافی هەموو پێكهاتەكان تیایدا دەستەبەر بكرێن.
پارتی یەكسانی و دیموكراسی گەلان "دەم پارتی" ڕایگەیاند'' نابێت پرسی كورد تەنها لە لەناوبردنی چەكدا كورت بكرێتەوە، بەڵكو پێویستە دان بە مافەكانیشیدا بنرێت.''
دەم پارتی دەڵێت'' پێشنیازیشمان كردووە، هەردوو ماددەی ٤٢ و ٦٦ی دەستووری توركیا هەموار بكرێنەوە و دەستورێكی نوێ دابڕێژرێتەوە، كە تیایدا زمانی كوردی بكرێتە زمانی فێركردن و ئاستەنگەكانی بەردەم خوێندن و زمانی دایك لاببرێن و پەروەردەی زمانی دایك گەرەنتی بكرێت و مافی سەرجەم پێكهاتەكانیش دەستەبەر بكات.''
ئەمە لە کاتێکدایە، ١١ی تەمووزی ٢٠٢٥ پەکەکە هەنگاوێکی کردەی گرنگی بۆ ئاشتی دەستپێکرد کە تێدا ٣٠ گەریلای پەکەکە چەکەکانیان سوتاند و لەناوبرد ئەمەش بۆ دەستپێکردنی قۆناغێکی نوێ و گرنگە لە پڕۆسەی ئاشتی.