لە بەشێک میدیاکانی نزیک رۆژئاوای کوردستانەوە پارتی تۆمەتبار دەکرا بە دروستکردنی دیوارێک لە نێوان رۆژئاوای کوردستان و باشوری کوردستان، بەرپرسێکی کوردی پاسەوانی سنور روونکردنەوە دەدات.

عەمید حەیدەر کەرخی، بەڕێوەبەری راگەیاندنی فەرماندەیی پاسەوانی سنووری عێراق رایگەیاندووە، دانانی دیوارە کۆنکرێتییەکان لە سنوورەکانی رۆژئاوای کوردستان و سووریا "لەلایەن فەرماندەیی پاسەوانی سنوورەوە سەرپەرشتی دەکرێ."

ئەوەش دوای ئەوەی میدیای نزیک لەڕۆژئاوا پارتی دیموکراتیان بە دروستکردنی دیوارەکە تاوانبار کرد.

بەرپرسەکە پاسەوانی سنور دەڵێت: پلانەکە بەو جۆرەیە کە لە سنووری رەبیعەوە بۆ پێشابوور و سەرجەم سێگۆشەی سنووری نێوان عێراق – تورکیا – سووریا بە دیواری کۆنکرێتی تووند و تۆڵ بکرێ.