سەرۆکی هاوپەیمانی دەوڵەتی یاسا جەختدەکاتەوە لەوەی کە چەک دەبێت بە دەستی دەوڵەتدا بێت و لایەنە سیاسییەکان کار بۆ چاکسازی بکەن.
نوری مالیکی، شەممە ٤ی تشرینی یەکەم لە لێدوانێكدا ڕایگەیاند'' ئێمە بڕوامان وایە کە هیچ دەوڵەتێک بێ یاسا نییە و هیچ وڵاتێک بێ دامەزراوە پێشناکەوێت، عێراق دەبێت ئازاد و سەروەر و سەربەخۆ بمێنێتەوە".
مالكی باسی لەوەشكرد، بەشداریکردنی بەرفراوان لە هەڵبژاردن نیشاندەری ڕادەی پابەندبونە بە یەکێتی نەتەوەیی. هەروەها چەک دەبێت بە دەستی دەوڵەتدا بێت و ئاسایشیش تەنها بە بەهێزی خزمەتگوزارییە ئەمنییەکان دەپارێزرێت".
مالکی بانگەوازی لە لایەنە سیاسییە کێبڕکێکارەکان کرد کە بەرزترین ئاستی بەرپرسیارێتی بگرنەبەر و کێبڕکێ نەبێتە گۆڕەپانێک بۆ هاندان و فیتنە.
دەشڵیت'' پەرلەمان بزوێنەری پرۆسەی سیاسیە و لێپرسینەوە لە حكومەت دەكات دەبێت کار بۆ چاکسازی بکرێت.''