سەرۆکی شارەوانیی هەولێر، ڕایگەیاند'' سبەی تیروپشک بۆ ناوی ٧ هەزار و ٥٠٠ فەرمانبەر دەكرێت بۆ ئهوهی زەوییان بەسەردا دابەش بکرێت.''
کارزان هادی، له لیدوانێكی رۆژنامهوانیدا باسی لەوەکرد، سبەی سێشەممە ٢٨ی تشرینی یەکەم، تیروپشک بۆ ٧ هەزار و ٥٠٠ فەرمانبەری مەدەنی و سەربازیی دەکرێت و سەرجەمیان لە وەرگرتنی زەوی سوودمەند دەبن.
بهوتهی ئەو بەرپرسە، زەوییەکان دەکەونە سەر ڕێگای هەولێر- دهۆک و شوێنی زەوییەکانیش زۆر باشن.
جهختیشیكردهوە، دابەشکردنی زەوی بەردەوام دەبێت، هەموو فەرمانبەرێکیش زەوی پێدهدرێت، بەڵام بەو مەرجەی پێشتر سوودمەند نەبووبێت.
ئەمە لە کاتێکدایە، هەنگاوەکانی ئامادەکردنی و دابەشکردنی زەوی لە سنووری بەڕێوەبەرایەتیی گشتیی شارەوانییەکانی هەولێر خێراتر کراوە، ئامانجەکە ئەوەیە پێش کۆتایی ئەمساڵ سەرجەم سوودمەندبووان لە سنووری هەر ٣٥ قەزا و ناحییەکەی هەولێر تیروپشکی وەرگرتنی زەوییان بۆ بکرێت.