ئەمڕۆ یەکشەممە ٩ی تشرینی دووەمی ٢٠٢٥ ، دەنگدانی تایبەت بۆ هەڵبژاردنی پەرلەمانی عێراق ئەنجام دەدرێت، ڕۆژی سێشەممەش ١١ی تشرینی دووەمی ٢٠٢٥ پرۆسەی دەنگدانی گشتی لە سەرتاسەری عێراق بەڕێوەدەچێت.
بە وتەی جومانە غەلای، زیاتر لە ملیۆنێک و ٣٠٠ هەزار کەس لە رۆژی دەنگدانی تایبەت مافی دەنگدانیان هەیە.
لە هەڵبژاردنی ئەمساڵ، حەوت هەزار و ٧٦٨ بەربژێر کێبڕکێ لەسەر ٣٢٩ کورسی پەرلەمانی عێراق دەکەن، کە پێنج هەزار و ٥٢٠ بەربژێرییان پیاو و دوو هەزار و ٢٤٨ـیان ژنن، لە کۆی ٤٦ ملیۆنی دانیشتووانی عێراقیش تەنیا نزیکەی ٢١ ملیۆن دەنگدەر مافی دەنگدانیان هەیە، لەکاتێکدا نزیکەی حەوت ملیۆن کەس ناتوانن بەشداری دەنگدان بکەن، بەهۆی نوێنەكردنەوەی زانیارییەكانیان.
یەک ملیۆن و ٣١٣ هەزار و ٩٨٠ ئەندامی هێزە ئەمنییەکان و ٢٦ هەزار و ٥٣٨ ئاوارە بەشداریی هەڵبژاردنی تایبەت دەکەن. هەروەها، لە دەنگدانی تایبەتدا، ٨٠٩ بنکە و ٤٥٠١ وێستگەی دەنگدان بۆ هێزە ئەمنییەکان و ٢٧ بنکە و ٩٧ وێستگەی دەنگدان بۆ ئاوارەکان کراوە دەبن.
ژمارەی ئەوانەی مافی دەنگدانیان هەیە بەم شێوەیە دابەشکراوە:
عێراق و هەرێمی کوردستان: ١ ملیۆن و ٣١٣ هەزار و ٨٥٩ کەس
دەستەی دەروازە سنورییەکان: ١ هەزار و ٥٩٦ کەس
وەزارەتی ناوخۆی عێراق: ٥٩٧ هەزار و ٤٥٣ کەس
دەستەی بەرەنگاربوونەوەی تیرۆر: ١٨ هەزار و ٤١٠ هەزار
وەزارەتی بەرگری: ٢٩٨ هەزار و ٥٤ کەس
حەشدی شەعبی: ١٢٨ هەزار و ١٢٧ کەس
هەرێمی کوردستان: ٢٧١ هەزار و ٢١٩ کەس
وەزارەتی ناوخۆی هەرێم: ١٢٤ هەزار و ٣١٢ کەس
وەزارەتی پێشمەرگە: ١٤٥ هەزار و ٩٠٧ کەس
ژمارەی کورسیەکانی پەرلەمان و چۆنێتی دابەشبوونیان:
بەگوێرەی کۆمیسیۆنی باڵای سەربەخۆی هەڵبژاردنەکانی عێراق، ٣٢٩ کورسییەکەی پەرلەمان بەمشێوەیە بەسەر ١٨ پارێزگاکەی عێراق و هەرێمی کوردستان دابەشکراون و هەر پارێزگایەک بازنەیەکی هەڵبژاردنە:
دهۆک: ١١
کۆتای ژنان: ٣
سلێمانی: ١٨
کۆتای ژنان: ٥
هەولێر: ١٥
کۆتای ژنان: ٤
کەرکووک: ١٢
کۆتای ژنان: ٣
نەینەوا: ٣١
کۆتای ژنان: ٨
سەڵاحەددین: ١٢
کۆتای ژنان: ٣
دیالە: ١٤
کۆتای ژنان: ٤
بەغدا: ٦٩
کۆتای ژنان: ١٧
بەسرە: ٢٥
کۆتای ژنان: ٦
زیقار: ١٩
کۆتای ژنان: ٥
بابل: ١٧
کۆتای ژنان: ٤
ئەنبار: ١٥
کۆتای ژنان: ٤
نەجەف: ١٢
کۆتای ژنان: ٣
واست: ١١
کۆتای ژنان: ٣
دیوانیە: ١١
کۆتای ژنان: ٣
میسان: ١٠
کۆتای ژنان: ٣
کەربەلا: ١١
کۆتای ژنان: ٣
موسەننا: ٧
کۆتای ژنان: ٢
پێکهاتەکانی کوردانی فەیلی، کوردانی ئێزدی، شەبەک، کریستیان و سابیئەی مەندائی نۆ کورسیی کۆتایان بۆ دیاریکراوە و بۆ پێکهاتەکان هەموو عێراق یەک بازنەیە و بەمشێوەیە کورسییەکان دابەش کراون:
٠ پێنج کورسی بۆ کۆتای کریستیان لە پارێزگاکانی؛ هەولێر، دهۆک، نەینەوا، کەرکووک و بەغدا.
٠ یەک کورسیی بۆ کۆتای کوردانی ئێزدی لە پارێزگای نەینەوا تەرخان کراوە.
٠ سابیئەی مەندائی یەک کورسییان لە بەغدا بۆ دانراوە.
٠ پێکهاتەی شەبەک یەک کورسییان لە نەینەوا بۆ دانراوە.
٠ کوردانی فەیلی مافی یەک کورسیی کۆتایان لە پارێزگای واست پێدراوە.