بافڵ تاڵەبانی لە پەیامێکدا بە بۆنەی یادی ٢٤١ ساڵەی دامەزراندنی شاری سلێمانیدا رایگەیاند" ئەمڕۆ یادی شارێک دەکەینەوە کە بەدرێژایی مێژوو شانازیی نووسیوەتەوە و پێشەنگی قوربانیدان، بیری ئازاد، رۆشنبیری و نوێگەری بووە".
لە پەیامێکدا بە بۆنەی یادی ٢٤١ ساڵەی بنیادنانی ساری سلێمانی بافڵ تاڵەبانی سەرۆکی یەکێتی نیستنمانی رایگەیاند" سڵاو سلێمانی، شاری ھەڵمەت و قوربانی، پایتەختی رۆشنبیری.ئەمڕۆ بە دڵخۆشی و خۆشەویستیی زۆرمانەوە بۆ سلێمانی یادی ٢٤١ ساڵەی بونیادنانی شاری شاران دەکەینەوە."
وتیشی" ئەمڕۆ یادی شارێک دەکەینەوە کە بەدرێژایی مێژوو شانازیی نووسیوەتەوە و پێشەنگی قوربانیدان، بیری ئازاد، رۆشنبیری و نوێگەری بووە."
سەرۆکی یەکێتی ئاماژەی بەوەشداوە کە ئێمە بە شوێن باوک و باپیرانماندا هەنگاو دەنێین و بەردەوام لەگەڵ خەڵکی دڵسۆزی سلێمانی دەبین و وەفادارین بەرامبەریان.
لە کۆتاییشدا بافڵ تاڵەبانی دەڵێت" وەک هەمیشە خزمەتکردنی سلێمانی بە کاری لەپێشینەمان دەمێنێتەوە و لەگەڵ خەڵکە خۆشەویستەکەمان پێکەوە هەنگاو بۆ داهاتوویەکی گەشتر دەنێین".