کەشناسی هەرێم کەشی پێشبینیکراوی ٤٨ کاتژمێری داهاتووی بڵاوکردەوە و جەخت لە بەرزبوونەوەی پلەکانی گەرما دەکاتەوە و هۆشداری لە دروستبوونی تەم دەدات و دەڵێت" مەودای بینین کەم دەبێتەوە".
بە گوێرەی پێشبینییەکانی کەشناسی هەرێم ئەمڕۆ دوو شەممە کەشی ئاسمان لەنێوان ساماڵ و نیمچە هەور دەبێت و پلەکانی گەرما نزمترین پلە کەمێک نزم دەبنەوە بە (١-٢ ) پلە وە بەرزترین پلە نزیک دەبێتەوە بە بەراورد بە تۆمارکراوەکانی دوێنێ تەنها ناوچە شاخاویەکان نەبێ کەمێک بەرز دەبنەوە بە (١-٢ ) وەک لەسەر نەخشەی خوارەوە ئاماژەی پێدراوە .
کەشناسی دەشڵێت" سبەی سێ شەممە کەشی ئاسمان ساماڵ و پەڵەهەور دەبێت لەگەل ئەگەری دروست بوونی تەم لەکاتەکانی بەیانی زوو بەتایبەتی لەناوچە شاخاویەکاندا و پلەکانی گەرما نزمترین پلەی گەرمی نز یک دەبێتەوە و بەرزترین پلەی گەرمی بەرز دەبێتەوە بە (١-٣ ) پلە بەراورد بە تۆمارکراوەکانی ئەمڕۆ وەک لە خوارەوە ئاماژەیان پێدراوە."
ئاشکراشی کردووە مەودای بینین ( ٧ – ٩) کم دەبێت و لە کات و شوێنی تەم ( ٢ -٤ ) کم دەبێت.
بەرزترین پلەکانی گەرمای پێشبینیکراو بە پلەی سیلیزی
هەولێر : ٢٠ پلەی سیلیزی
سلێمانی : ١٨ پلەی سیلیزی
دهۆک : ١٨ پلەی سیلیزی
زاخۆ : ١٨ پلەی سیلیزی
کەرکوک : ٢٠ پلەی سیلیزی
هەڵەبجە : ١٩ پلەی سیلیزی
حاجی ئۆمەران : ٩ پلەی سیلیزی
گەرمیان : ٢٣ پلەی سیلیزی