بەڕێوبەرایەتی ئاسایشی سلێمانی بڵاویکردوە، کە تۆمەتباری ڕوداوی تەقەکردنەکەی دوێنێیان دەستگیرکردوە لەگەڵ سێ کەسی دیکەدا کە هاوکارییان کردوە.
یەک شەممە، ٢٣ تشرینی دووەم ٢٠٢٥، بەڕێوبەرایەتی ئاسایشی سلێمانی، ڕاگەیاندراوێکی بڵاوکردەوە و ڕایگەیاند "بەڕێوبەرایەتی ئاسایشی پارێزگای سلێمانی، دەسبەجێ لەسەر ڕوداوەکە بەدواداچوون و لێکۆڵینەوەی دەستپێکرد، بە بڕیاری دادوەری لێکۆڵینەوەی ئاسایش تۆمەتباری تەقەکەری ڕوداوەکە و سێ هاوکاری دەستگیرکران و لێکۆڵینەوە لە دۆسیەکانیان بەردەوامە".
هەر بەپێی زانیارییەکانی ئاسایشی سلێمانی ڕوداوەکە بە هۆی کێشەی کۆمەڵایەتیەوە بوە لە نێوان دوو ئامۆزاکەدا، و ساتی تەقەکردنەکە لە ڕێگای کامێرای چاودێریەوە تۆمارکراوە و لە لاپەڕەی ئاسایش لە فەیسبوک بڵاوکراوەتەوە.
٢١ تشرینی دووەم ٢٠٢٥، لە ناوبازاڕی سلێمانی، دەستڕێژی گولە لە هاوڵاتیەک کرا و بە سێ فیشەک بریندارە.