دانا غاز ئامادەیە لە یەک کاتژمێرێکدا دەست بە بەرهەمهێنان بکاتەوە، بەڵام داوای زەمانات دەکات کە جارێکی تر هێرشنەکرێتەوە سەر کیڵگەو کۆمپانیاکەیان.
بڕیارە هەینی ٢٨ ی تشرینی دووەم ئەو لیژنەیەی بە بڕیاری سەرۆک وەزیرانی عێراق پێکهاتووە لە وەزیری ناوخۆی عێراق و وەزیری ناوخۆی هەرێم و بەرپرسی دەزگای ئیستخباراتی عێراق و چەند بەرپرسێکی تر سەردانی کێڵگەی کۆرومۆر بکەن بۆ دەستکردن بە لێکۆڵێنەوە.
میدیای نزیک بافڵ تاڵەبانی کەناڵ 8 بڵاویکردۆتەوە، ئێوارەی دوێنێ شاندی وەزارەتی سامانە سرووشتییەکان و بەرپرسانی دانەغاز، سەردانی کێڵگەی کۆرمۆریان کردووە و لەوێ کۆبوونەتەوە.
هاتووشە" لە کۆبوونەوەکەدا، بەرپرسانی کۆمپانیای دانەغاز ڕایانگەیاندووە، ئامادەن لە ماوەی یەک کاتژمێردا دەست بە بەرهەمهێنانەوەی گازی سرووشتی بکەن و لە ڕێگەی تانکەر و کۆگای جێگرەوە، گازەکە هەڵبگرن و بیگوازنەوە بۆ وێستگەکانی بەرهەمهێنانی کارەبا، بەڵام بەو مەرجەی گرەنتی ئەوەیان پێبدرێت، دووبارە هێرش ناکرێتەوە سەریان".
شەوی ڕابردوو شاندێکی تەکنیکیی حکومەتی عێراق سەردانی کێڵگەی کۆرمۆری کردووە و لێکۆڵینەوەی لە هێرشەکە دەستپێکردووە.
سەرۆک وەزیرانی عێراق، سوودانی شەوی رابردوو سەرۆکایەتیی کۆبوونەوەیەکی باڵای ئەمنیی تایبەت بە هێرشەکەی سەر کۆرمۆری کرد و بڕیاریدا بە پێکهێنانی لیژنەیەکی باڵا بۆ لێکۆڵینەوە لە هێرشەکە.