وەزارەتی کارەبای حکومەتی هەرێمی کوردستان ئاشکرای کرد کە لە ماوەی ٢٤ کاتژمێری داهاتوو، دۆخی کارەبای نیشتمانی ئاسایی دەبێتەوە.
ئەمڕۆ یەکشەممە، وەزارەتی کارەبای حکومەتی هەرێمی کوردستان بڵاویکردەوە: کاتژمێر دووی بەرەبەیانی ئەمڕۆ دەست بە گواستنەوەی غاز لە کێڵگەی کۆرمۆر بۆ وێستگەکانی بەرهەمهێنانی کارەبا کرا و وێستگەکانی کارەبا بەگەڕ دەخرێنەوە.
باسی لەوەشکردووە: ئێستا دۆخی کارەبا ڕوو لە باشبوونە و لە ماوەی ٢٤ کاتژمێردا، دۆخەکە بە تەواوەتی ئاسایی دەبێتەوە.
کاتژمێر ١١:٣٠ خولەکەی شەوی ٢٦ تشرینی دووەم ٢٠٢٥، هێرش کرایە سەر کێڵگەی گازی کۆرمۆر لە چەمچەماڵ و بە هۆیەوە کۆگایەکی گاز گڕیگرتوو و تا کاتژمێر ٩:٠٠بەیانی ڕۆژی دواتر ئاگرەکە بەردەوام بوو، ڕوداوەکە بوە هۆی کەمبونەوەی کارەبای هەرێمی کوردستان بە ڕێژەی لە ٨٠٪، ئەم ڕوداوە کاردانەوەی لە ئاستی ناوخۆی و دەرەوەدا بەدواداهات.