بەرگری شارستانی سۆران دەڵێت "بۆ کاری زۆر پێویست نەبێت سەردانی ناوچە شاخاوییەکان مەکەن".
شەممە، ٦ کانوونی یەکەم ٢٠٢٥، بەڕێوبەرایەتی بەرگری شارستانی سۆران، ڕاگەیاندراوێکی لە بارەی ئەو شەپۆلە باران بارینەی کە پێشبینی دەکرێت ببارێت بڵاوکردەوە و ڕایگەیاند "ئەگەر هاتنی شەپۆلێکی بارانبارینی بەهێز دەکرێت لە ڕۆژانی داهاتوودا، بۆ کاری زۆر پێویست نەبێت سەردانی ناوچە شاخاوییەکان مەکەن، خۆتان بە دووربگرن لەو دۆڵ و نشێویانەی ئاویان لێ کۆدەبێتەوە و مەترسی لافاویان هەیە".
ڕاگەیاندراوەکەی بەرگری سۆران هاوکاتە لەگەڵ پێشبینیەکانی کەشناسی هەرێم کە ڕایگەیاندوە لە سبەینێوە باران بارین دەست پێ دەکات و بۆ ماوەی چەند ڕۆژێک بەردەوام دەبێت.