فەرمانگەی ڕێکخراوەکانی ناحکومی حکومەتی هەرێم پەیامێکی بەپەلە بۆ گشت ڕێکخراوەکان نارد لێرەوە جارێکی تر داواتان لێدەکەینەوە گشت هەوڵەکانتان بخەنە گەڕ بۆ هەماهەنگی زیاتر و هاریکاری پێویست بۆ کەمکردنەوەی زیانەکان.
فەرمانگەی ڕێکخراوەکانی ناحکومی حکومەتی هەرێم پەیامێکی بەپەلە بۆ گشت ڕێکخراوەکان نارد و دەڵێت" هەروەک هەموو لایەکتان ئاگادارن رەوشی کەش و هەوا و باران بارین بۆتە هۆی لافاو و زیانی گەورەی گیانی و ماددی لە هەرێمەکەمان".
ئاشکرای دەکات" لێرەوە جارێکی تر داواتان لێدەکەینەوە گشت هەوڵەکانتان بخەنە گەڕ بۆ هەماهەنگی زیاتر و هاریکاری پێویست بۆ کەمکردنەوەی زیانەکان ،دەتوانن هاوکاری و هەماهەنگیەکانتان راستەوخۆ ئەنجام بدەن لەڕێگەی وەزارەتی ناوخۆی حکومەتی هەرێمی کوردستان و پارێزگاکان و ئیدارە سەربەخۆکان و ناوەندی هاوبەشی هەماهەنگی قەیرانەکان".
ئاماژە بەوەشکرد خۆشمان لەسەر هێڵین لەگەڵ لایەنی پەیوەندیدار بۆ ئەم مەبەستە.
راشیگەیاند" فەرمانگە ئەم هەوڵ و خزمەتەتان بەرز دەنرخێنێت و لێرەوە پێزانینی تەواومان هەیە بۆ سەرجەم ئەو رێکخراوانەی تا ئێستاش لە ئەرکدان و بۆنەتە فریادرەسێک بۆ خزمەتی هاوڵاتیان و پاراستنی گیانیان".
ئەمە لە کاتێکدایە کە بەهۆی شەپۆلە بارانبارینە چەمچاڵ لەسەرجەم دامودەزگاکان و پەروردەی هەڵەبجە و شارەزوور و سلێمانی پشویان راگەیاند.
ماوەی دوو رۆژە شەپۆلێکی بەهێزی بارانبارین رووی لە هەرێم کردووە وبڕیارە تا سبەی ئێوارە بەردەوامی هەبێت و هۆشداری لافاو دەدرێت.