وتەبێژی پۆلیسی سلێمانی دەڵیت " ئێوارەی ئەمڕۆ ژنێک لە ناحیەی زەڕایەن، بەهۆی سووتاندن بە شێوەیەکی گوماناوی گیانی لەدەستدا و بە بڕیاری دادوەر، لێکۆڵینەوە لە ڕووداوەکە دەستیپێکردووە".
سێ شەممە، ١٦ کانوونی یەکەم ٢٠٢٥، ئاری لەتیف، وتەبێژی پۆلیسی سلێمانی ڕایگەیاند" گومان هەیە ژنەکە خۆی سووتاندبێت، بەڵام بە بڕیاری دادوەری لێکۆڵینەوە و پەڕاوی لێکۆڵینەوە بۆ ڕووداوەکە ڕێکخراوە و لێکۆڵینەوەکان بەردەوامن بۆ دۆزینەوەی هۆکاری ڕاستەقینەی ڕووداوەکە".
بە پێی زانیارییەکان ئەو ژنەی سوتاوە لە دایکبووی ساڵی ١٩٩٢ و دوو منداڵی هەیە، دوای گەیاندنی بە نەخۆشخانە بە هۆی زۆری سوتاویەکەیەوە گیانی لەدەستداوە.