لە بەرلینی پایتەختی ئەڵمانیا سەرۆك هۆزێكی كورد کە سەرمایەدارێكی دیارە، و خاوەن چێشتخانەیە و هۆڵی وەرزشی و چەندان بازاڕە لە ئەوروپا، درایە بە دەستڕێژی گولـلە.
بەشی عەرەبی ئاژانسی هەواڵی DW بڵاوی كردەوە، سەرۆك هۆزێكی كورد بەناوی "مێهمەت. ك" كە چەند دەیەیەكە لە ئەڵمانیا دەژی و لەو وڵاتە و سەرمایەدارێكی دیارە، و خاوەن چێشتخانەیە و هۆڵی وەرزشی و چەندان بازاڕە لە ئەوروپا، لە ئارامترین شوێنی بەرلین بەر دەستڕێژی فیشەك درا.
دەشڵێت" ژمارەیەك چەكداری نەناسراو ٢٠ فیشەكیان بە ماڵی مێهمەت.ک، ناوە کە پیاوێكی بەتەمەنە و نەخۆشیشە، بەڵام بەهۆی پەنجەرە گولەنەبڕەكانیەوە سەلامەت دەرچوو.
راگەیاندنەكانی ئەڵمانیا پێیان وایە كێشەكە كەسی بووە و بەشێكی زۆری پێوەندیی بەململانێی كارەوەیە.
لەمبارەیەوە ناوبراولە تۆڕی كۆمەڵایەتی بڵاوی كردەوە"دەمەوێت دڵنیاتان بكەمەوە كە خۆم و خێزانەكەم لەو هێرشە سەلامەت بووین و هێرشێكی ترسنۆكانەیە، ئەگەر پیاون و ئازان با راستەوخۆ رووبەڕووی خۆم ببنەوە، نەك ماڵ و خێزان بكەنە ئامانج".
میهمەت خەڵاتی ٥٠٠ هەزار یۆرۆی دیاری كردووە بۆ ئەو كەسەی زانیاریی پێ بدات لەسەر كردەوەكە كە ببێتە هۆی گرتنی هێرشبەرەكان.