لەگەڵ ئەوەی بە بۆنەی هاتنی ساڵی نوێوە پشووی فەرمی لە هەرێمی کوردستاندا ڕاگەیاندرا، بەڵام نەخۆشخانەی هیوا چارەخوازەکانی ئاگادار دەکاتەوە کە دوو ڕۆژ دەوامی ئاسایی لە نەخۆشخانەکەدا دەکرێت و بەشی فریاکەوتنیش ٢٤ کاتژمێر کراوەیە.
چوار شەممە، ٢٤ کانونی یەکەم ٢٠٢٥، نەخۆشخانەی هیوا لە شاری سلێمانی سەرجەم چارەخوازەکانی ئاگادار دەکاتەوە کە ڕۆژانی ٢٩ و ٣٠ ئەم مانگە واتا دوو شەممە و سێ شەممە، دەتوانن سەردانی نەخۆشخانەکە بکەن و چارەسەر وەربگرن لەو بارەیەوە ڕایدەگەیەنن " دەمانەوێت هاوکار و یارمەتی دەری نەخۆشان و تووشبوانی شێرپەنجە بین، هاوکات بەشی فریاکەوتن بە پزیشک و کارمەندان ٢٤ کاتژمێر لە دەوامی فەرمییدان، لە هەر حاڵەتێکی تێکچونی باری تەندروستی دەتوانن سەردان بکەن، چارەسەری پێویست وەربگرن".
لە ڕاگەیاندراوەکەدا ئەوەش هاتوە کە ڕۆژی یەکشەممە، ٤ كانوونی دووەم ٢٠٢٦، دەوامی فەرمی لە نەخۆشخانەکە وەک سەرجەم دامودەزگاكانی هەرێمی كوردستان دەست پێدەكاتەوە.
بە بۆنەی سەری ساڵی نوێوە فەرمانگەی میدیا و زانیاری حکومەتی هەرێمی کوردستان بڵاویکردەوە کە لە ڕۆژی ٢٥ کانوونی یەکەم ٢٠٢٥ تا ٣ کانوونی دووەم ٢٠٢٦ لەسەرجەم فەرمانگە حکومیەکان پشووی فەریمە و لە ناوندە خزمەتگوزاریەکان دەوام بەشێوەی ئێشگری بەردەوام دەبێت.